Video
Read full review
2023-09-17
56 views
-🍴🍽🍴🍽🍴🍽🇰🇷🇰🇷🇰🇷🇰🇷🇰🇷🍴🍽🍴🍽🍴🍽-Oouli位於銅鑼灣Sugar+23/F, 一入餐廳已經俾佢嘅景色深深吸引😍。餐廳用咗落地玻璃，採光度充足，客人可以喺享受美食之餘仲可以飽覽景色🥰。4 Courses Lunch Menu $538🥢Deul Kkae - Juk 🆗呢款粥品喺韓國嘅一款傳統粥品，以蔬菜、韓牛、蜆肉同米煮咗1大米5個鐘嘅大米混合而成。粥嘅質地偏杰身，口感綿密。粥上面仲加咗少少麻油，飲落更香口。粥品另外配搭咗脆口嘅人蔘雞湯米餅，配埋一齊食口感更豐富😋。🥢Jili - Tang 🆙第二道菜係海鮮清湯配烤釜山鮑魚。湯品嘅賣相好特別，湯上面係打發咗嘅泡泡，中間就放咗兩粒鮑魚，感覺就好似鮑魚喺到浸緊泡泡浴咁。海鮮湯清甜，經慢煮過嘅鮑魚口感爽彈，蘿蔔亦充分索咗湯汁，非常入味。泡泡上面加咗少少辣粉，令到味道更加豐富🤩。🥢Jan Chi 烤韓國頂級1++韓牛 / 36小時慢煮黑毛豬五花 🆙主菜就方面，我同朋友分別嗌咗韓牛同五花腩。牛肉煎到半熟，有濃郁嘅焦香味，油花分佈均勻，肉質軟嫩。韓牛嘅賣相都好別緻，旁邊配咗甘筍蓉加小葉，十足迷你甘荀，而且仲好解膩！五花腩口感軟嫩，配上
-
🍴🍽🍴🍽🍴🍽🇰🇷🇰🇷🇰🇷🇰🇷🇰🇷🍴🍽🍴🍽🍴🍽
-
Oouli位於銅鑼灣Sugar+23/F, 一入餐廳已經俾佢嘅景色深深吸引😍。餐廳用咗落地玻璃，採光度充足，客人可以喺享受美食之餘仲可以飽覽景色🥰。
4 Courses Lunch Menu $538
🥢Deul Kkae - Juk 🆗
呢款粥品喺韓國嘅一款傳統粥品，以蔬菜、韓牛、蜆肉同米煮咗1大米5個鐘嘅大米混合而成。粥嘅質地偏杰身，口感綿密。粥上面仲加咗少少麻油，飲落更香口。粥品另外配搭咗脆口嘅人蔘雞湯米餅，配埋一齊食口感更豐富😋。
🥢Jili - Tang 🆙
第二道菜係海鮮清湯配烤釜山鮑魚。湯品嘅賣相好特別，湯上面係打發咗嘅泡泡，中間就放咗兩粒鮑魚，感覺就好似鮑魚喺到浸緊泡泡浴咁。海鮮湯清甜，經慢煮過嘅鮑魚口感爽彈，蘿蔔亦充分索咗湯汁，非常入味。泡泡上面加咗少少辣粉，令到味道更加豐富🤩。
🥢Jan Chi 烤韓國頂級1++韓牛 / 36小時慢煮黑毛豬五花 🆙
主菜就方面，我同朋友分別嗌咗韓牛同五花腩。牛肉煎到半熟，有濃郁嘅焦香味，油花分佈均勻，肉質軟嫩。韓牛嘅賣相都好別緻，旁邊配咗甘筍蓉加小葉，十足迷你甘荀，而且仲好解膩！五花腩口感軟嫩，配上酸蘿蔔、芝麻葉、燒烤醬一齊食味道更香甜🤤。
🥢JinSu - Sung Chen 🆙
最後一道菜有釜山伴菜、飯同湯。上碟嘅先有小菜，有魚肚、紫蘇葉、小魚乾等等。之後店員推咗一架車仔到我地面前，上面擺放咗高壓鍋，入面原來焗緊釜山嘅麗田珍珠米，一打開有陣陣嘅米香，配埋石頭鍋更添傳統風味。飯粒嘅口感有少少黏但保持粒粒分明，配埋經48小時烹煮嘅鱔魚湯，魚香味十足😋！
🥢茶及小食
最後作結嘅係餐飲同韓式油蜜果，食落偏油膩，味道覺得有少少似港式嘅馬仔🤣。
🥸評價 𝗥𝗮𝘁𝗶𝗻𝗴𝘀🥸
食物 𝗙𝗼𝗼𝗱 7.5/10
環境 𝗘𝗻𝘃𝗶𝗿𝗼𝗻𝗺𝗲𝗻𝘁 8.5/10
服務 𝗦𝗲𝗿𝘃𝗶𝗰𝗲 8.5/10
性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7/10
整體 𝗢𝘃𝗲𝗿𝗮𝗹𝗹 7.75/10
-
🍴🍽🍴🍽🍴🍽🇰🇷🇰🇷🇰🇷🇰🇷🇰🇷🍴🍽🍴🍽🍴🍽
-
🗺 OOULI (銅鑼灣)
銅鑼灣糖街25-31號Sugar+23樓
-
#bakdiu韓式 #bakdiu銅鑼灣#bakdiu灣仔區 #bakdiufinedining
Post
