Video
Read full review
2016-03-01
883 views
忽然興起，走左去食邊爐!本身以為係比較高端既火鍋店，點知係我想得太多…….5個人食左$2500，以質素黎計，唔多抵食…..先同大家介紹吓上品主打既足料湯底先！我地叫左 “ 原鍋花膠雞燉翅群鍋” ($168)，每人飲左兩碗，共5人，淨返既湯料就再加清湯落去烚吓烚吓！碗湯都真係幾足料架！跟著，就開始介紹其他火鍋料喇！明太子釀鮮冬菇 – 呢個正！蝦膠彈牙，鮮冬菇都好新鮮，夠多汁，呢個配搭唔錯！ Like!!!螺片乜乜乜 – 鮮甜爽口，幾好！上品坑腩件 ($108) – 牛有牛味，夠淋，真係好淋！唔會o趙到起晒渣！肥牛乜乜乜 – 成$1XX，超多肥膏，無乜肉食，好UN，唔建議大家order 呢個！><上品牛肉拼盤 ($368)– 味道是ok的，不過份量太少喇！！！！！五個人完全唔夠食呀……..手卷炸腐皮 (響鈴) ($58) – 唔油膩，好脆，似係自家炸，薄過係街市買現成果D好多！除左平時浸湯既食法之外，你可以選擇直接點個醬汁黎食，幾得意！爽口黑牛柏葉 ($78) – 都幾爽口，唔好 “碌” 太耐就得！雖然佢黑媽媽，唔多靚仔，但起碼無漂白呀~ (不過染黑都一樣架啫…….)芝士爽
本身以為係比較高端既火鍋店，點知係我想得太多…….
5個人食左$2500，以質素黎計，唔多抵食…..
先同大家介紹吓上品主打既足料湯底先！
我地叫左 “ 原鍋花膠雞燉翅群鍋” ($168)，每人飲左兩碗，共5人，淨返既湯料就再加清湯落去烚吓烚吓！碗湯都真係幾足料架！
6 views
0 likes
0 comments
明太子釀鮮冬菇 – 呢個正！蝦膠彈牙，鮮冬菇都好新鮮，夠多汁，呢個配搭唔錯！ Like!!!
螺片乜乜乜 – 鮮甜爽口，幾好！
上品坑腩件 ($108) – 牛有牛味，夠淋，真係好淋！唔會o趙到起晒渣！
肥牛乜乜乜 – 成$1XX，超多肥膏，無乜肉食，好UN，唔建議大家order 呢個！><
上品牛肉拼盤 ($368)– 味道是ok的，不過份量太少喇！！！！！五個人完全唔夠食呀……..
手卷炸腐皮 (響鈴) ($58) – 唔油膩，好脆，似係自家炸，薄過係街市買現成果D好多！除左平時浸湯既食法之外，你可以選擇直接點個醬汁黎食，幾得意！
爽口黑牛柏葉 ($78) – 都幾爽口，唔好 “碌” 太耐就得！雖然佢黑媽媽，唔多靚仔，但起碼無漂白呀~ (不過染黑都一樣架啫…….)
芝士爽蝦丸 ($98) – 好食！！！推介X 1000000000！難得地唔係雪藏硬皮個款流心芝士丸，而且香濃既芝士，配埋好彈牙既蝦膠，真係無得輸！
特價鮑魚...仔 ($58) – 左邊係泰式酸辣汁，粒鮑魚下面係一堆酸菜。賣相 “的骰”，用shooter杯黎上確係幾得意，不過口感同味道都唔掂，超細粒之餘，好淋嘅，唔彈牙~~~~~~ 唔推介…..
新鮮肥鵝腸 (左三) ($78) – 正！咬落去既啖啖油香充斥著口腔既每一個角落~ 席間同行既朋友食到停唔到口，鍾意食鵝腸既朋友，記得一定要試呀！
炸魚皮 ($48) – 普通~
$2500當然仲有食其他配料啦，我地仲叫左 午餐肉、枝竹、芝士腸、唐生菜、皇帝菜、黑椒牛根丸、烏冬等，不過無乜特別，就唔post 喇……飲品：2 jar 竹蔗茅根水，2 枝Apple cider，2枝青島
另外，想分享吓餐桌既攪笑設計，佢係一張正方形既枱，但唔知點解個爐唔係正中間，而係偏埋一邊….lol 手長既朋友，可以留意吓，坐返遠D個邊XDD
Post
