麥奀雲吞麵世家 (海港城)

Open Now

Now Closed

係海港城入面嘅餐廳，大多一係高級餐廳，一係大型連鎖外國餐廳，好少會有本地地道食品餐廳進駐，而麥奀就係其中一間高檔地道食物餐廳。粉麵店能夠係貴舖租的陰影下生存，本身食物價錢都被動地高起來。而麥奀記的一碗牛根腩撈麵都已經價值七十蚊，而一碗淨水餃雲吞都要索價超五十蚊。但能夠屹立不倒而且一直得到旅客嘅垂青，自然係因為有佢自己嘅特別之處。牛根腩一入口完全沒半點難咬感覺，煲到好稔，沒牙阿伯都可以食到，味道亦都係上佳，散發陣陣牛肉香。而水餃雲吞每一隻都好大隻，仲食到入面粒粒蝦仁，配搭住其他配料，味道好豐富。香港傳統食物少之又少，有人出國耐左都會掛住香港簡單嘅一碗雲吞麵，而活在美食身邊嘅我地不妨搵時間靜靜坐低試下。