759雲吞麵 (Closed)

受到品牌效應嘅影響，今日專登揸車去長沙灣，試下 759 品牌旗下嘅雲吞麵。雖然唔係叫做 100 分好食，但與其他粉麵家，什至茶餐廳粉麵店相比，卻又勝人一籌！1. 地點：算方便長沙灣鐵路站出口A3 出口斜對面，坐落主幹大路長沙灣道；深水埗中電行遠幾步。2. 食物：叫咗雲吞河 ($30 - 2015年): 河粉夠滑；雲吞嘅蝦，彈牙有鮮味，而且伴兩條菜心，增強買相。叫咗牛坑腩全蛋麵 ($30 - 2015年): 麵彈牙爽口；牛腩好香有牛味，可惜牛腩煲得唔夠淋！一大敗筆而且牛坑腩麵嘅份量只係雲吞河嘅一半，即貴咗成倍！3. 桌面配料：有余均益辣椒醬 (林生果然係識貨之人)食味配此辣醬，又加分                   日清麻油及出前一丁味精，為客人加添高端味道總括而言：依間野唔算非常好食，但係 $30 食一碗夠飽及買相好嘅粉麵，點都好過街邊粉麵檔俾十幾廿蚊 (2015年價) 去食一碗唔飽而且唔好食粉麵。