張生記 (Closed)

今日同個朋友去左銅鑼灣食中菜，張生記源於杭州，一去到就覺得好grand，大大道自動門，職員又好好服務，會幫你倒水同介紹。我地叫左套餐三潭印月宴，以家仲做緊買一送一優惠，都幾抵食，$798/2位。 個餐有江南前菜兩味，老鴨湯，麻婆豆腐龍蝦，東坡牛肉拌南瓜餅，荷塘小炒，蟹粉小籠包，酒釀丸子。前幾道菜都係雙拼，江南前菜兩味係嘴雞加雲耳青瓜。我都幾中意個醉雞。老鴨湯好足料，湯料好豐富，熱辣辣，岩晒冬天食。龍蝦會幫我地拆好肉，而且擺得幾好看，隻龍蝦條鬚好長。東坡唔係加豬肉，而係特級和牛，口感更佳，相對無咁肥膩。蟹粉小籠包就真係好正，皮薄多汁。我最中意就係個酒釀丸子，酸酸甜甜。