中華滙館 (Closed)

餐廳環境雅緻，洋溢典雅風情，餐具同環境氣盡顯奢華，令人相當期待。食物款式都幾豐富。餐具相當有特色，氣派非凡，座位亦坐得幾舒服。我地選擇既菊花茶，有淡淡菊花清香，但如果濃味啲會更好。我地選擇左話梅南瓜作為前菜，呢個菜式幾乎每枱客人都有點。話梅酸酸地，同冰凍既南瓜融為一體，非常開胃。脆炸九肚魚，外脆肉嫩，趁熱食可以食到最佳口感。我最愛既一道菜，香煎北海道帶子。帶子香軟，鮮味十足，令人回味無窮。銀絲焗釀鮮蟹蓋，外層冇乜味道。入面包住大量蟹肉，蘸上醋之後更好食。潮蓮燒鵝😋個醬汁非常惹味，肉質香口。石鍋海味撈麵，入面有大量花膠，海蔘，鮑魚絲。撈麵味道唔會好單調，有經過調味。-服務同味道OK，主要都係食環境同氣氛。