星海薈﹒譽宴

Open Now

Now Closed

呢間沙田萬怡酒店既星海薈一直都好出名，今次同屋企人食左一次就更加認可呢間餐廳既水平，呢度既裝飾都好靚，燈光都柔和，服務態度都勁好，絕對推薦呢度裝潢華麗，一定係慶祝農曆新年，公司聚餐，婚宴場地，團年等既好地方，入面更加有好好打卡既樓梯舞台，仲有包廂提供，超貼心🌟招牌白胡椒蟹焗飯底一送上黎就見到上面有一大隻好大隻既蟹🦀臨食時再淋上醬汁，成個飯就充滿左蟹同白胡椒既香味，食落去係有d辣辣地，好惹味，加上飯焦既關係，有脆香脆，仲有淡淡肉既蟹，好鮮甜🌟遠年陳皮脆皮燒鵝伴陳村粉、D燒鵝一望落去就見到係有超脆既皮，一啖落去就食到個皮係好香脆，入面既燒鵝都燒到岩岩好🦢完全唔柴，下面既陳村粉嗦曬d燒鵝汁後更加好食，入口即化咁🌟水煮安格斯牛肉呢個係秋冬系列必食既菜式，一送到黎就見到好大一盤，上面係鋪滿左好嫩口既安格斯牛肉🥩下面仲有好多唔同既配菜同嗦曬d湯汁既薯粉，呢個菜式係煮到好濃郁，好正宗既，好惹味🌟胡椒紫菜浸生蠔呢度都係必食既菜式之一，只係用左胡椒同紫菜去烹煮，無用太多既味精，d生蠔每一隻都好大隻🦪好肥美，d湯飲落去係好鮮甜