玄鮨 (Closed)

黎緊好兄弟生日, 諗住請佢食餐OMAKASE, 有幾間心水餐廳, 其中一間就係玄鮨, 係未決定食邊間之前試一試佢個LUNCH SET質素先!餐廳環境恬靜舒適, 空間感大, 上到去見到師傅係BAR枱前忙於招呼食OMAKASE既客人, 而我地坐既係半開放式小廂房, 寬敞又有私隱度。Set Lunch跟左每人一份前菜, 茶碗蒸同埋櫻花蝦麵豉湯。前菜關東煮, 而茶碗蒸人入左貝柱, 又滑又鮮甜。麵豉湯加入左好多海帶同埋櫻花蝦, 令湯頭更鮮味又唔會過咸。Sashimi set lunch賣相吸引, 魚類刺身全部厚切, 特別中意火炙過金線鯛, 令魚香味更突出。肥美既拖羅入口即溶冇根, 魚油充滿口腔, 勁正。仲有最特別係師傅係海膽同三文魚籽內加入左少量SAKE, 好特別。豚肉生薑燒中意佢既薑味夠突出得黎係溫和, 唔會太哽, 豚肉軟熟唔肥, 好味。跟餐配上刺身一份,同刺身set lunch既質素一樣高, 好鮮味。食完set lunch覺得好有水準, 放心請兄弟黎食生日omakase