Video
Read full review
2022-10-23
33 views
前排好鍾意一套台灣劇叫華燈初上，今日去食嘅呢間餐廳充分體現左80年代條通文化個種日式酒店的裝修！裏面嘅裝修非常之有心思，而且有好多小彩蛋係入面 ！大家千其唔好錯過。 當然啦，入面係正經餐廳，係唔會有小姐嘅，所以大家千其唔好諗錯隔離🤣🤣一般的台灣菜，只會俾人感覺係地道小吃，上唔到大台。而我剛走入黎都係呢個感覺，心想：吓？台灣菜都係個啲野，好極有個譜啦？就睇下你點收呢個價。 而且一入到店舖入面， 首先會被佢的裝修吸引，亦會好自然覺得係一間「食裝修」的鋪頭。言歸正傳，講返啲野食先古早味佛跳牆🍲佛跳牆聽就聽得多啦，食都係第一次，仲要估唔到係台灣餐廳食。成件事好似錯哂咁😂 不過，呢一個佛跳牆絕對無令我失望。 大家都知道，佛跳牆係將各種山珍海味擺入去燉盅入邊，細火慢燉而來既精粹。而佛跳牆最重要係火候同足料，鮑魚、花膠、海參、金華火腿、嫩雞、日月魚，應有盡有，湯濃郁而骨膠原十足，入邊有晒珍饈嘅香味，超正！台灣海山醬油炒松阪豬配飯🐷成餐飯最喜歡呢一味，原因就係超級送飯👍👍松阪豬非常嫩滑，唔會韌不特止，仲唔會有筋同肥膏位，口感十足。連同彩椒及本菇一齊用海山醬油去炒，令到成個餸好開胃，好味有營養！稻埕牛肉
前排好鍾意一套台灣劇叫華燈初上，今日去食嘅呢間餐廳充分體現左80年代條通文化個種日式酒店的裝修！裏面嘅裝修非常之有心思，而且有好多小彩蛋係入面 ！大家千其唔好錯過。 當然啦，入面係正經餐廳，係唔會有小姐嘅，所以大家千其唔好諗錯隔離🤣🤣
一般的台灣菜，只會俾人感覺係地道小吃，上唔到大台。而我剛走入黎都係呢個感覺，心想：吓？台灣菜都係個啲野，好極有個譜啦？就睇下你點收呢個價。 而且一入到店舖入面， 首先會被佢的裝修吸引，亦會好自然覺得係一間「食裝修」的鋪頭。
言歸正傳，講返啲野食先
古早味佛跳牆🍲
佛跳牆聽就聽得多啦，食都係第一次，仲要估唔到係台灣餐廳食。成件事好似錯哂咁😂 不過，呢一個佛跳牆絕對無令我失望。 大家都知道，佛跳牆係將各種山珍海味擺入去燉盅入邊，細火慢燉而來既精粹。而佛跳牆最重要係火候同足料，鮑魚、花膠、海參、金華火腿、嫩雞、日月魚，應有盡有，湯濃郁而骨膠原十足，入邊有晒珍饈嘅香味，超正！
台灣海山醬油炒松阪豬配飯🐷
成餐飯最喜歡呢一味，原因就係超級送飯👍👍松阪豬非常嫩滑，唔會韌不特止，仲唔會有筋同肥膏位，口感十足。連同彩椒及本菇一齊用海山醬油去炒，令到成個餸好開胃，好味有營養！
稻埕牛肉自家製手作麵🍜
牛肉麵香港好多地方有得食，但講到質素，呢度的牛肉麵都算數一數二。牛肉炆到好軟滑，油香滿溢，入口即化。而麵亦都係其中一大賣點，因為佢地嘅麵係自家手作製，因此勁道十足，麵身結實。喜歡食有咬口嘅麵的朋友，千其唔好錯過。 唯一係個湯我無咩印象，可能因為其他湯太出色的關係😂
午餐單人商務套餐
叫得商務套餐，食物的量當然會相應提高啦，朋友話想試下牛小排，於是就叫左呢個套餐，不過餐廳絕對無因為套餐就對味道妥協，而已有幾道菜都幾有驚喜！
1. 黑糖醋釀柑仔蜜
呢一道前菜，其實係黑糖醋浸車厘茄，聽落好似好求其。 但其實每一粒的車厘茄都揀過，大小均勻，而且去哂頭尾，唔係坊間hea 沙律個種。而且黑糖醋同柑仔蜜兩者之間配合得非常好，味道夾而醒胃，係其中一道我好喜歡的餸。
2. 白滷水九孔鮑魚
鮑魚就正正常常，鮑魚充滿白滷水的味道，煙韌彈牙！而且鮑魚下面仲會有一舊類似魚腐的食物，口感都幾得意
3. 金不換干貝螺頭燉雞湯
另一樣非常足料的燉湯，干貝、大大舊螺頭、雞肉一樣都唔會走你數。濃郁嘅味道而香氣十足，可以飲得出火候十足 而且心機滿分唔馬虎。
4. 燒香鳳梨芭樂安格斯牛小排
軟滑濃郁的安格斯用左不薄不厚的切法提升口感，而牛與牛之間會夾住一件菠蘿，兩者配合得好好，而最特別係用芭樂汁來調味，令到成個牛小排有更豐富的層次！
5. 芋圓珍珠紅豆湯
最後一道甜品，濃稠足料紅豆湯配上珍珠、芋圓、地瓜圓等的配料，呢一餐飯作結。唯一嘅係，唔知呢個紅豆湯係咪台南口味😂 味道偏甜， 如果無咁甜就會比較符合香港口味。
除咗食物之外，佢嘅茗茶都相當高質
神品巨峰烏龍茶🍇
神品高山珍清綠茶🍵
特別推介呢兩種茶，烏龍茶有一陣好香的巨峰提子味，但係飲落去又唔甜，只有好清淡茶味！另一隻綠茶本身對佢無咩好感，但一飲落驚為天人，因為除左清香的綠茶味之外，仲有一陣淡淡的花香味，呢一隻綠茶比巨峰烏龍更襟飲！
Post
