Video
Read full review
2019-06-01
225 views
身為嗜辣者，點會唔鍾意食川菜，特別係水煮魚，最原本係半山先有既「三希樓」，銅鑼灣開分店確係方便好多，但都開係時代廣場，不難見係走高級路線，所以都幾期待。環境位於時代廣場較高既食肆樓層，好大間，設計都係中式茶樓餐館，佢都出名食麻辣火鍋，所以有個自助調味區，走到入面，仲有間細房仔，有幸被安排到係房仔坐，房仔內既枱都係長枱，感覺氣派豪氣啲，但同朋友傾計就隔好遠。前菜小吃及茶芥 $26/位(晚市)有麻辣海帶及滷水豆腐干，麻辣海帶好爽口亦頗辣，幾開胃，而滷水豆腐干都好入味。水煮魚 $398/例可以揀小、中、大辣，揀左中辣，例牌份量都夠兩個人食，上面舖滿各式辣椒，店員會貼心地問需唔需要舀走啲辣椒方便食魚片。魚採用桂花魚，魚片份量都好多，而且每件大小一致，魚肉嫩滑近乎無骨，雖然點中辣，但對我食得辣既人嚟講唔係好辣，水煮魚最後要灒油，所以避不了油既口感，但油而不膩。配料仲有芽菜、鴨血、青瓜及寬粉，例牌2人食絕對足夠。三希吊燒雞 $198/半隻見到係招牌之一，自己又好鍾意食脆皮雞，就叫嚟試下。擺盤有心思，用雞肉切花造成雞翼既造型，叫半隻都有雞頭做擺盤。皮燒得好脆好香口，帶點油脂，皮下脂肪均稱唔會太多，肉
環境
位於時代廣場較高既食肆樓層，好大間，設計都係中式茶樓餐館，佢都出名食麻辣火鍋，所以有個自助調味區，走到入面，仲有間細房仔，有幸被安排到係房仔坐，房仔內既枱都係長枱，感覺氣派豪氣啲，但同朋友傾計就隔好遠。
前菜小吃及茶芥 $26/位(晚市)
有麻辣海帶及滷水豆腐干，麻辣海帶好爽口亦頗辣，幾開胃，而滷水豆腐干都好入味。
水煮魚 $398/例
水煮魚 (例)
$398
9 views
0 likes
0 comments
水煮魚 (例)
$398
3 views
0 likes
0 comments
可以揀小、中、大辣，揀左中辣，例牌份量都夠兩個人食，上面舖滿各式辣椒，店員會貼心地問需唔需要舀走啲辣椒方便食魚片。魚採用桂花魚，魚片份量都好多，而且每件大小一致，魚肉嫩滑近乎無骨，雖然點中辣，但對我食得辣既人嚟講唔係好辣，水煮魚最後要灒油，所以避不了油既口感，但油而不膩。配料仲有芽菜、鴨血、青瓜及寬粉，例牌2人食絕對足夠。
三希吊燒雞 $198/半隻
三希吊燒雞 (半隻)
$198
16 views
0 likes
0 comments
三希吊燒雞 (半隻)
$198
8 views
0 likes
0 comments
見到係招牌之一，自己又好鍾意食脆皮雞，就叫嚟試下。擺盤有心思，用雞肉切花造成雞翼既造型，叫半隻都有雞頭做擺盤。皮燒得好脆好香口，帶點油脂，皮下脂肪均稱唔會太多，肉質唔錯，雖然唔會話嫩口，會食到雞肉一絲絲口感，但整體十分不錯。
正宗四川擔擔麵 $42
冇嗌到白飯就點左碗四川擔擔麵，會附上五香粉，份量為一人份，湯底好重花生醬味，唔辣，麵條較腍，不過灑上五香粉食就惹味啲。
酒糟桂花小湯圓 $36
酒糟桂花小湯圓
$36
4 views
0 likes
0 comments
食正餐前食做打底又得，飯後做甜品都得。我就選擇左食正餐前食做打底，為食水煮魚打好個底，好香桂花味，食落清甜滋潤，小湯圓粉左少少但都有煙韌口感，可以更煙韌。
總括而言，食物材料新鮮，店員服務良好，環境舒服，以環境、地段、服務嚟講定呢個收費不難理解，一大班人嚟食會可以食多啲野，價錢亦可以share人均冇咁貴。
附：部分餐牌
Post
