奧壽司

Open Now

Now Closed

又是一家三人出去散心的星期日。最近連星期六晚上都有衝突出現，三人咗睇完令人擔心激氣既直播，帶著不太好既心情入睡，第二日決定去香港僅有既淨土、後花園— 數碼港，抖一抖氣。刺身盛合  (小) ($260)剌身上枱就覺得賞心，同埋同餐牌的差不多，食落亦見非常新鮮。最鮮甜的是三文魚籽，非常鮮甜！油甘魚和甜蝦也非常有本來的海鮮味。三文魚一般甜但夠肉質靚。牛肉火鍋 ($128)生牛肉如魚生一樣，一上枱就見其新鮮，都係靚刺身吧~ 非常香濃肉香，以及有口感的肉質。蛋是放在一旁做月見汁，不同一般的鍋，是打在鍋中，我比較喜歡用來沾啦。其他鍋物是常見白菜，粉絲(正名係葛絲Japanese Vermicelli)，菇。葛絲很好吃👍最後上場的是海膽炒飯。大片海膽坐陣正中，有潤澤而creamy的樣子十分誘人，可惜掛住食其他菜無影相。炒飯用的珍珠米似乎是好貨色，十分香口，加上紅蘿蔔和青椒粒，成件事好夾。大家在家炒飯可以學一下加這兩種菜粒。青椒粒炒飯其實可以好香，唔會帶臭草腥。推薦大家來試菜，希望大家能平平安安，香港各處都是樂土。