雲壽司 (Closed)

朋友介紹我去雲壽司食日本嘢，大家分別叫咗《壽司拼盤》& 《北海丼》！ 《壽司拼盤 $198》， 拼盤包括有油甘魚、三文魚 、甜蝦 、真鯛 、帆立貝 、三文魚籽 、池魚 、吞拿魚腩 、北寄貝&辣味三文魚壽司。我特別鐘意三文魚籽壽司&吞拿魚腩壽司， 吞拿魚色澤呈現粉紅色，超級肥美，肉質軟嫩，仲要無筋，真係超級好食！三文籽，粒粒都脹卜卜，證明好新鮮，口感爽口彈牙，非常鮮甜，好味呀！ 值得推介嘅《北海丼》材料超級豐富，包括有吞拿魚腩 、油甘魚 、赤貝 、牡丹蝦 、海膽 、三文魚 &三文魚籽。北海丼有咁多野食， 魚生又新鮮，又好味，真係好抵食呀！赤貝新鮮，肉質爽口，鮮味十足。三文魚，肥美鮮甜，魚油十足。牡丹蝦鮮甜無比，口感爽彈。海膽色澤呈金黃色，鮮甜甘香，海膽撈埋飯一齊食，超好味，再加上三文魚籽，入口脆卜卜，爆開鹹香鮮味，配飯一流啦！記得Like & Share 就可以免費有蟹籽沙律，好Fresh !