焱手工涮涮鍋 (Closed)

高質打邊爐平時同一大班男仔食打邊爐，大家就會起勢咁食啲肥牛，冇乜質素可言，但求食飽。今次同幾個閨蜜，黎呢間打邊爐試吓，簡直係前所未有嘅滋味同埋服務。我哋坐喺個卡位度，先有一大堆醬料任你揀，自己調配。然後又有好養生嘅湯底，最適合我哋幾個中女。佢嘅打邊爐食物賣相亦非常好，直頭係賞心悅目：冰鎮嘅蟹棒、方塊型嘅豬紅、開晒花嘅肥牛，一路食一路要影相留念添呀！味道方面，高級嘅價錢，當然有高級嘅味道。如果大家想靜靜地咁打邊爐，唔使好似酒樓咁嘈，就可以揀呢度！