京都勝牛 (MONTEREY Place) (Closed)

今日因工作關係難得路經將軍澳，去咗個新商場澳南海岸見到有間食日本🇯🇵炸物都幾有特色 - 京都勝牛。坐得舒適而且人不多，職員服務態度好，店內木飾面加日式小擺設，充滿日式風格。有個享用炸牛扒教學，當然唔少得點招牌菜，點左個京都勝牛三味套餐，加多個特選海產套餐京都勝牛三味係由牛不同部位組成 (翼板，菲力及薄片醬味牛) 我最鍾意食後者，因為本身牛都已有鮮味，肉質好有口感，加埋少少醬汁又薄身，好juicy。特選海產套餐 - 包含兩隻大海蝦🦐好大隻啖啖肉，仲有兩隻生蠔加鰻魚，呢個係好吸引，仲要點埋唔同嘅醬汁好有特色。但係全部都係炸物，食完都覺得有啲熱氣。柚子茶及芒果奇異果特飲見隔離枱有飲，於是我貪得意叫兩杯嚟飲，個樣睇落唔錯不過其實飲落就不過不失啦，如果食炸物去飲都其實幾夾架，中和一下熱氣。