鮪世市場 (鴻威大廈) (Closed)

旺角壽司鋪愈黎愈高質數，通常日式裝修乾淨舒服。約左朋友花園街行街食飯，入左呢間食日本野。餐廳有卡位同吧檯，坐吧檯可以睇住廚師整壽司🍣一人叫左一個壽司餐，沙律蒸蛋同味噌湯先上，沙律開胃，蒸蛋滑溜。壽司全部現場即叫即做，材料好新鮮，火灸過既香味好遠都聞到。三文魚卷最好食，三文魚厚切食落好肥味，入面包住甜蛋同青瓜，面頭魚子醬鮮甜。另外每舊壽司都好有水準：蟹柳，帶子都好新鮮，同係日本食既味道一樣。最後飲埋加左豆腐同紫菜既味增湯同甜蛋收尾，好飽好滿足。