SENSU (Closed)

好朋友結婚，除左約我食晚餐比帖我，還想我陪佢去銅鑼灣祟光買點家庭用品，之後我地去左附近的SENSU食晚餐，朋友喜歡餐廳裡的佈置，燈光柔和，座位空間寬落。客人可以舒舒服服傾談和用餐。照燒雞扒定食，將雞扒煎至色澤金黃，皮層香脆，雞肉嫩滑，混合照燒醬汁非常惹味！配送沙律和湯，沙律菜新鮮，味噌湯夠濃郁。想食甜品就加$28，侍應送上甜品非常吸睛，杯底放有乾冰，加入水後噴出煙幕，像一座仙山出現眼前，煙霧散去見到面層有食用花和金箔，之後就是用菠蘿做成的泡沫，入口即化，有菠蘿香味，下面有菠蘿雪芭、菠蘿粒、脆果仁。味道香甜有少許微酸，雙重口感好好味！黑松露薯條即叫即炸好香脆，點自家特製的松露醬味道特別美味。