Cafe Siam (The Plaza ) (Closed)

又係我大食妹帶大家食好野，今次我就帶大家去老蘭食泰國菜，聽講新開既cafe Siam,係一間高級既泰式餐廳。明爐香草烏頭：聽講這個烏頭係必叫的小菜之一，除了烏頭每日都係新鮮海鮮檔買返黎，所以魚不但新鮮，而且肉質都會非常鮮嫩。加上用上明爐上，所以不但會令魚肉保持溫度，而且會令香草味慢慢滲入魚中，實在係非常有特色的泰國菜。香葉炒飯：用上豬肉，雞肉，牛肉來炒，所以食落會有三種肉的味道，炒飯不但炒得乾身，而且加上泰式配料，食落泰式風味十足，香香辣辣，非常醒胃。泰式炒通菜：用上泰國的通菜，所以非常幼身，配上馬拉醬去炒，辣中帶咸，但又非常惹味，用來送飯絕對一流。最後，今次我俾4個大食指數，這裡不但食物高質，而且環境又大，價錢合理，絕對係蘭桂芳的高級餐廳。