湊湊火鍋‧茶憩 (如心廣場二期)

Open Now

Now Closed

如心廣場新開張，咁我當然要去行下街啦，咁其實睇到如心廣場二期，面積就唔係好大，同埋暫時大約只有三分之一店鋪租出，接近全部都係餐廳，餐廳都幾多元化，有台灣餐廳，西餐廳，日式豬扒飯，快餐店，仲有冰室，咁細嘅商場都有好多間食肆，荃灣做食真係唔休，咁我就揀咗間台式火鍋店湊湊，上網查過佢嘅資料都係大陸開始，見到新開張都有幾多人等位，大約等左15分鐘左右就入去坐啦，入邊環境都好靚，我叫咗個台式麻辣火鍋，加咗啲中價牛肉，墨魚滑，魚皮餃，珍珠奶茶，啲湯底及菜好快就到湯底好正，牛肉都好好味，但價錢牛肉係幾貴嘅，之後就杯珍珠奶茶好好飲，其實出邊仲有飯，西瓜可以任添，我就食咗兩碗飯撈湯底好正，最後兩個人有開張優惠，都食咗四百幾蚊，只可以話嘢食係好味嘅，貴唔貴就見仁見智啦，特價就可以再來。