Video
Read full review
2023-07-15
3399 views
🥰 谷友推介越南菜 Fine dining “SEP”, 東南亞菜玩高級, 聽落怪怪, 隨時兩頭唔到岸. 今晚相約識飲識食嘅 “小秘書” 嚟探店.🥢 餐廳裝修時尚, 樓底唔算高, 落地玻璃, 部分坐位望 “大館” 市景. 今晚選擇 Petit Vietnam Wood-fired Journey Menu, $1200+10%, 8 道菜, 主攻柴火烤煮 (另一選擇係 Wood-fired Indochine Vietnamese Menu, $1680+10%). 配三杯酒, 另加 $498+10%. 菜單如下:頭盤豬柳法包紅蝦春卷烤魚烤雞生牛肉湯河番薯雪糕📖 翻查資料: 法國於1858年開始, 對越南發動戰爭, 最終獲取了對越南嘅 “保護權”. 1887年, 法屬印度支那 (Indochine française, 包括今日嘅越南, 柬埔寨, 遼國) 殖民政府成立, 一直到1954 年. 法國對越南飲食文化影響深遠.🤗 1.2.3. DZO! 三款頭盤, 一體感出色.🍻 菠蘿汁配椰泡. 清新, 用小啤酒杯上, 賣相加分, 抵讚!🍳 煎鵪鶉蛋. 薄脆, 不俗.🦑 魷魚. 夠腍, 玩調
🥢 餐廳裝修時尚, 樓底唔算高, 落地玻璃, 部分坐位望 “大館” 市景. 今晚選擇 Petit Vietnam Wood-fired Journey Menu, $1200+10%, 8 道菜, 主攻柴火烤煮 (另一選擇係 Wood-fired Indochine Vietnamese Menu, $1680+10%). 配三杯酒, 另加 $498+10%. 菜單如下:
頭盤
豬柳法包
紅蝦春卷
烤魚
烤雞
生牛肉湯河
番薯
雪糕
📖 翻查資料: 法國於1858年開始, 對越南發動戰爭, 最終獲取了對越南嘅 “保護權”. 1887年, 法屬印度支那 (Indochine française, 包括今日嘅越南, 柬埔寨, 遼國) 殖民政府成立, 一直到1954 年. 法國對越南飲食文化影響深遠.
🤗 1.2.3. DZO! 三款頭盤, 一體感出色.🍻 菠蘿汁配椰泡. 清新, 用小啤酒杯上, 賣相加分, 抵讚!
🍳 煎鵪鶉蛋. 薄脆, 不俗.
🦑 魷魚. 夠腍, 玩調味.
🍔 Petit Banh Mi. 豬柳法包. 豬肉肥瘦均勻, 香口, 配料發揮提味平衡作用.
🦐 Mekong Springroll. 紅蝦春卷. 打爛紅蝦肉做薄片, 配春卷餡, 包住生菜食, 好味嘅. 但講真, 浪費咗隻紅蝦. 蝦頭下面一舊冇打爛嘅蝦肉, 鮮甜, 爽滑, 啜埋蝦頭汁, 反而更精彩, 哈.
🐟 French Quarter Toothfish. 烤魚. 肉質嫩滑. 係時候用上各項調味醬料.
🐥 Hoi An Old Town Poulet. 烤雞. 脆皮肉嫩, 配汁帶酸, 水準一流.
🍜 Bun Bo Hue. 生牛肉湯河. 牛肉腍滑, 略嫌唔夠牛味, 湯底清甜, 唔算神級, 勝在夠熱.
🥔 Patate Douce. 蕃薯, 配酸忌廉, 好飽喎, 太過份了.
🍨 Burnt Wood Log. 雪糕. 用布甸呀薄餅呀整嘅 “假雪糕”, 唔會融, 幾得意喎.
🥂 配酒包括香檳, 白酒, 紅酒各一杯. 全法國酒, 預算所限, 相對普通, 欠缺驚喜.🤗 總結: 餐廳環境舒適, 氣氛輕鬆, 但冇東南亞風情. 每道菜煮之前, 服務員先攞材料出嚟影相打卡, 十個讚! 菜式設計多變, 味道出色, 略嫌份量過多. 總括嚟講, SEP 嘅創作充滿誠意, 值得一試.
Post
