Video
Read full review
2020-10-30
788 views
餐廳：尚鮮日式燒肉漁市場 (銅鑼灣)地址：銅鑼灣謝斐道496號金利文廣場3樓我媽咪一直都好想食和牛🐂，佢成日話我食好野都唔帶佢去食😂，所以今次帶咗佢去銅鑼灣嘅尚鮮日式燒肉漁市場，食個高級和牛放題塞住佢把口😆今次同媽咪食呢個120分鐘嘅A5和牛放題，星期一至日任何時間都係$398一個人，另有加一。所有和牛都係日本直送🇯🇵日本和牛貴為世界之冠🏆，係由日本肉品等級鑑定協會JMGA分級，係世上最嚴格嘅牛肉等級分法🔱，以品種(字母)同肉質(數字)去分，而A5就代表15個級別入面最高級嘅牛肉，譽為「霜降牛肉」一開始就黎咗一份8款A4-A5級鹿兒島黑毛和牛🥩，連比較少見嘅牛貝身肉、牛三角同牛薄裙都有，未食之前緊係要好好欣賞一下佢地嘅紋理先啦😍。和牛味道真係無與倫比，雖然我唔係專家🙈，但都能略略食得出佢地嘅分別，無論脂肪比例、肉質厚薄、爽口或者軟腍，都各有各優點，但統一嘅係佢地都好嫩口，脂肪入口即溶，細膩一番仲會食到輕微獨特嘅奶香味🥛食完呢盤和牛，就試下送贈嘅海鮮拼盤🦞，有甲羅燒(將蟹膏同蟹肉放上蟹蓋燒嚟食🦀)、生蠔🦪、鮑魚、海蝦🦐同帶子😋；店員仲好好幫手燒同處理每一款海鮮😎，同時講解點樣燒先最好食，
地址：銅鑼灣謝斐道496號金利文廣場3樓
我媽咪一直都好想食和牛🐂，佢成日話我食好野都唔帶佢去食😂，所以今次帶咗佢去銅鑼灣嘅尚鮮日式燒肉漁市場，食個高級和牛放題塞住佢把口😆
今次同媽咪食呢個120分鐘嘅A5和牛放題，星期一至日任何時間都係$398一個人，另有加一。所有和牛都係日本直送🇯🇵
日本和牛貴為世界之冠🏆，係由日本肉品等級鑑定協會JMGA分級，係世上最嚴格嘅牛肉等級分法🔱，以品種(字母)同肉質(數字)去分，而A5就代表15個級別入面最高級嘅牛肉，譽為「霜降牛肉」
一開始就黎咗一份8款A4-A5級鹿兒島黑毛和牛🥩，連比較少見嘅牛貝身肉、牛三角同牛薄裙都有，未食之前緊係要好好欣賞一下佢地嘅紋理先啦😍。和牛味道真係無與倫比，雖然我唔係專家🙈，但都能略略食得出佢地嘅分別，無論脂肪比例、肉質厚薄、爽口或者軟腍，都各有各優點，但統一嘅係佢地都好嫩口，脂肪入口即溶，細膩一番仲會食到輕微獨特嘅奶香味🥛
食完呢盤和牛，就試下送贈嘅海鮮拼盤🦞，有甲羅燒(將蟹膏同蟹肉放上蟹蓋燒嚟食🦀)、生蠔🦪、鮑魚、海蝦🦐同帶子😋；
店員仲好好幫手燒同處理每一款海鮮😎，同時講解點樣燒先最好食，好專業呀😆！淨係睇唔洗食都知呢到嘅海鮮有幾咁新鮮👏
食完頭輪嘅和牛，緊係唔夠喉啦😏，仲有接近30款牛肉比你揀，除咗和牛之外，仲有霜降牛、牛舌、安格斯牛、伊比利亞黑豚肉等🐷，亦有原味、炭燒、岩燒同韓式四款口味比你揀🤩；
唔少得嘅緊係刺身、
壽司🍣、
炸物、燒烤食材、冷盤等等👻
整體嚟講，上菜都算幾快，而且服務周到；雖然食物選擇對比起其他放題店黎講唔算多，但牛肉款式相對幾多，而且食物品質確實係比較高👍🏼；
餐廳座位仲有卡位、bar枱同榻榻米，啱晒唔同人嘅口味⛩，而最後仲送Mövenpick雪糕一人一杯🍨，今晚真係超滿足🥰
Post
