雲魅 (Closed)

睇到介紹呢間餐廳雲南米線由於本人喜愛雲南米線 就去試吓可唔可以揾返雲南味道。首先點咗嘢飲，再慢慢睇食乜，叫咗2杯薑味特飲，味道都唔錯。睇下有咩選擇先，湯底都有5款，主要雞湯再加唔同口味。我地㨂咗fusion嘅雲南米線，點解係fusion，因為雲南米線唔會有海鮮嘅😬香格里拉豪華版米線用料十足，多款配料，除咗當地冇嘅海鮮，配料都有8成似，仲有鮑魚。餐牌有個指引，跟住佢地個步驟 ，逐樣放入剛剛煮好，熱辣辣的湯底，美味。仲可以選擇七彩米線。加咗2個小食，輕盈版，但份量也不少。餐廳個view都幾靚架！正宗雲南米線另我諗返起多年前去雲南旅行的日子…想試雲南菜，不妨一試。