麗香園冰室 (興華廣場) (Closed)

呢間野勝在裝修夠特別，入到去叫完嘢食，咦，又真係幾好食喎。正常茶餐廳晏晝好少會有鐵板餐，因為進行緊生酮飲食，唯有向啲肉出發喇，第一眼已經望到佢個雜扒餐，都勁大份好夠飽，最尾我揀咗魚柳雞扒，配埋個羅宋湯，健康十足。個魚柳熱辣辣咁，咬落去淡淡魚柳汁，塊雞扒唔會話鞋身，都仲好嫩口。雖然話就話鐵板餐都好難整得唔好食，但論環境，氣氛，食物質素，呢間整體水準10分不錯，經過會想再食。啲配菜係好熱啦，仲好有水份，如果粟米係切好晒一粒粒就Perfect啦。但配菜來講，其他餐廳會凍冰冰，呢間都真係keep到係熱嘅，已經非常之唔錯。