Video
Read full review
2014-06-24
3166 views
星期日, 車品品開2pm, 所以我地預鬆d, 3:00pm到, 店內不會答枱, 一枱枱甘做既, 所以等耐左少少.冷氣夠勁, 而且由於冇答枱, 所以坐得好舒服, 我地可以慢慢食, 店員同客人都係慢活的 哈哈我地研究左menu好耐, 最後都係叫個咩都有既大雜會, 可以2份食, 試埋其他小食.- 招徠大雜麵 , 河粉 ($53) : 揀左河粉, 貪其吸湯力強, 老闆仲怕我地冇哂湯, 特登再俾多碗腩汁湯我地. 材料有11-12款, 全部都好入味, 牛腩肉濃味香, 仲煮到夠淋, 豬大腸肥美有咬勁, 蘿白咬落去, d湯汁成口都係. 呢幾款特別好食, , 個腩汁湯底既清唔油膩, 但又好濃郁既鹵水味, 又唔會太甜, 咸度適中. - 干邑紅燒吉品鮑 ($78/2隻 (中)) :雖然尺寸大約係中式匙, 但係乾鮑整出黎, 特別吸引, 個汁甜左d, 同埋唔杰身, 有點似瑞士汁, 唔似干邑紅燒. 不過鮑魚彈牙又夠味, 俾自己食一次豪少少既車仔麵.- 溏心皮蛋, 子薑 ($12) : 溏心效果有啦, 食落味道甘香. 子薑用上嫩薑醃製, 所以唔會好辣. (但我貪心d, 想要醃酸薑, 因為想要微辣薑味及酸酸甜甜既味道
冷氣夠勁, 而且由於冇答枱, 所以坐得好舒服, 我地可以慢慢食, 店員同客人都係慢活的 哈哈
我地研究左menu好耐, 最後都係叫個咩都有既大雜會, 可以2份食, 試埋其他小食.
- 招徠大雜麵 , 河粉 ($53) :
揀左河粉, 貪其吸湯力強, 老闆仲怕我地冇哂湯, 特登再俾多碗腩汁湯我地. 材料有11-12款, 全部都好入味, 牛腩肉濃味香, 仲煮到夠淋, 豬大腸肥美有咬勁, 蘿白咬落去, d湯汁成口都係. 呢幾款特別好食, , 個腩汁湯底既清唔油膩, 但又好濃郁既鹵水味, 又唔會太甜, 咸度適中.
- 干邑紅燒吉品鮑 ($78/2隻 (中)) :
雖然尺寸大約係中式匙, 但係乾鮑整出黎, 特別吸引, 個汁甜左d, 同埋唔杰身, 有點似瑞士汁, 唔似干邑紅燒. 不過鮑魚彈牙又夠味, 俾自己食一次豪少少既車仔麵.
- 溏心皮蛋, 子薑 ($12) :
溏心效果有啦, 食落味道甘香. 子薑用上嫩薑醃製, 所以唔會好辣. (但我貪心d, 想要醃酸薑, 因為想要微辣薑味及酸酸甜甜既味道)
- 醃菜 (蘿白):
一定要落係車仔麵或碗仔翅, 味道立即提升, 爽口醃菜, 辣度都幾強勁.
- 凍咸柑桔雪碧 ($20) :
跟平時飲到既一樣, 一般啦. 咸柑桔好多粒, 值得一讚. 只係支雪碧係細支裝, 因為細支裝係200ml, 仲細過盒屋仔奶. 不過我見佢呢度d 黑牛飲品用大支裝可樂.
- 熱老霜冬瓜茶 ($17) :
健康飲品, 一黎係熱飲, 二黎佢話用左日本三溫糖, 補血紅糖, 好滋潤. 味道不太甜, 易入口.
其實食物正常, 味道好, 只係唔係特別好味, 不過佢有賣點,有貴價貨, 有鮑魚, 鵝肝,蠔等等.
而且全部都用心製作, 的確人手唔夠, 而且全程好慢, 但佢都唔趕客走, 可以慢慢食. 但服務好好丫.
有好有唔好啦, 睇下個人需要.
Post
