Video
Read full review
2023-11-18
4432 views
😱 明知山有虎, 偏向虎山行. “意寧谷” Nicholini’s 算係香港家傳戶曉嘅 意大利餐廳, 未食過都聽過, 今日慕名而來, OpenRice 負評比較多, 預咗踩雷.🤗 餐廳位於 港麗酒店 八樓, 環境高調, 經典酒店餐廳格局, 大範圍落地玻璃, 天然採光, 望樓景城景. 服務出奇地接地氣, 今日被安排坐靠窗位置, 舒適闊落.🥢 午餐兩道菜 $538, 三道菜 $568, 四道菜 $598. 頭盤, 意大利麵, 主菜, 甜品, 隨意組合, 另包咖啡. 餐牌簡單直接易明, 十個讚!🥐 麵包. 未齊人就上塲, 唔熱嘅, 勝在軟熟, 食咗一啖.🥰 頭盤: Nicholini’s Antipasti, 精選意寧谷頭盤, 即係自助沙津吧. 長方形嘅沙津吧枱, 種類豐富, 我食咗一𨍭, 我見其他客人食四五轉, 哈哈. 蟹肉, 鮮味不足. 蝦, 算爽身. 火腿, 黐口, 出色. 培根, 太鹹. 焗西蘭花椰菜花, 凍嘅?! 另外, 蕃茄湯同埋沙津由專人送到枱面. 整體表現合格. 頭盤有四款選擇, 自助沙津吧最吸引.🍅 蕃茄湯, 甜酸平衡, 又夠熱, 不俗!🦞 意大利麵: Capellini,
🤗 餐廳位於 港麗酒店 八樓, 環境高調, 經典酒店餐廳格局, 大範圍落地玻璃, 天然採光, 望樓景城景. 服務出奇地接地氣, 今日被安排坐靠窗位置, 舒適闊落.
🥢 午餐兩道菜 $538, 三道菜 $568, 四道菜 $598. 頭盤, 意大利麵, 主菜, 甜品, 隨意組合, 另包咖啡. 餐牌簡單直接易明, 十個讚!
🥐 麵包. 未齊人就上塲, 唔熱嘅, 勝在軟熟, 食咗一啖.
🥰 頭盤: Nicholini’s Antipasti, 精選意寧谷頭盤, 即係自助沙津吧. 長方形嘅沙津吧枱, 種類豐富, 我食咗一𨍭, 我見其他客人食四五轉, 哈哈. 蟹肉, 鮮味不足. 蝦, 算爽身. 火腿, 黐口, 出色. 培根, 太鹹. 焗西蘭花椰菜花, 凍嘅?! 另外, 蕃茄湯同埋沙津由專人送到枱面. 整體表現合格. 頭盤有四款選擇, 自助沙津吧最吸引.
Nicholini’s Antipasti
80 views
0 likes
0 comments
🦞 意大利麵: Capellini, 波士頓龍蝦天使麵. 蕃茄汁主導, 缺乏鮮味, 龍蝦肉一般般, 麵質算爽彈, 重點係 - 超級鹹. Nicholini’s 話哂都係意大利餐廳, 呢個天使麵交唔到功課喎.
Capellini
177 views
1 likes
0 comments
📖 IPO = Initial Public Offering, 首次公開招股. 想當年, 準上市公司喺港交所上市前, 安排投資者午餐推介會, 一般喺酒店宴會廳舉行, 二三十圍, 大部分座位留俾保薦人, 幾枱留俾 公關公司 嘅客人, 只要你有張卡片, 就可以報名.
😱 經典畫面: 大門一開, 一群 百萬年薪嘅金融才俊 衝搶公關公司安排嘅座位, 搶到位就免費食酒店午餐, 包括頭盤, 主菜, 甜點, 咖啡, 搶唔到就坐後排食三文治. 我親眼睇住 某食飯黨黨員 張全枱麵包掃入自己背囊, 再指示侍應添加麵包, 大開眼界.
Polletto
25 views
0 likes
0 comments
Merluzzo
26 views
0 likes
0 comments
Tiramisu
15 views
0 likes
0 comments
🍪 Petit Fours. 講真, 飽到唔識行, 食唔落, 但誠意值得一讚.
🤗 總結: “意寧谷” 屬於酒店內嘅餐廳, 享環境優勢, 樓底夠高, 枱面擺放乾花, 格調夠唒氣派, 連餐牌都用上皮面. 服務貼地, 唔會生硬做作. 論食物, 大衆化質素吧, 頭盤玩自助沙津吧, 一定受歡迎, 覺得抵食, 主菜變成配角, 策略上 “合格” 可以了.🥰 攻略: 如果你搵緊優質意大利菜, “意寧谷” 可能令你失望. 如果你搵緊 環境舒服嘅半自助午餐, “意寧谷” 皆大歡喜.
P.S. 今日見到 電視台前總經理, 同埋 總經理前愛將.
Post
