井巷子 by 鋒膳 (Closed)

我好鍾意食中菜，但較鍾意揀環境好，坐低慢慢同朋友食下傾下咁。餐廳門口已經好有氣派，入到去服務已經好好。坐低先揀茶，茶款都唔少，我地揀咗鐵觀音及普洱。餐牌好多野食，樣樣都吸引。最鍾意食中菜嘅蜜汁叉燒，呢個蜜汁叉燒賣相已經好靚，食落肉汁林身好夠味又非常juicy! 食川菜當然會使返一啲地道嘅食品，例如蒜泥白肉。白肉肥肥地，加埋蒜香🧄又香辣～片皮鴨包住嘅皮一路都用火熱住，所以可以保持熱度。片皮鴨被片得夠薄夠脆，鴨肉帶鴨香，真係滿口鴨香，好滿足！都好耐冇食過咁好味嘅片皮鴨。食完片皮鴨我哋就食酸辣湯，呢個酸辣湯黑醋味香濃，仲有蟹肉。有筍、木耳、豆腐等等。之後仲叫咗四季豆及辣乳鴿。每次食乳鴿都有童年回憶，因為以前個年代好興食乳鴿。呢度嘅乳鴿新鮮整起，所以夠香脆。第一次食辣嘅乳鴿好特別，而且真係幾好食！之後再剁椒花膠海鱸魚撈飯，呢個味道好豐富，花膠有好多，而且海鱸魚味幾鮮，再配上剁椒多汁又香辣。甜品就有冰粉及水果，非常新鮮。