Video
Read full review
2020-02-12
515 views
呢日去銅鑼灣搵舊老闆兼學長聚聚，佢又帶我去食好西了🙈。上到去時代廣場十樓，就見到麒藝館喇。玻璃入面聽講好似夜晚會有個師傅燒乳豬🤔。餐廳環境好有氣派，座位非常闊落，✨燈光亦都好靚。望落好似有唔少包箱座位。望下個餐牌先，有啲套餐揀，但我哋想食點心同燒味，所以散叫！仲見到枱頭有個牌寫住有午市超值孖寶，承惠$88就有鮑汁花膠撈飯同即燒無花菓天下第一豬(3件)。的確係幾抵😜，因為個飯本身都唔平。鮑汁花膠撈飯(原價$188)，個飯真係好奢華🙈，用料有好多花膠絲同瑤柱絲，上面仲有好多木魚，好多餸好多汁，餸仲多過飯🍚！即燒無花菓天下第一豬(3件)(原價$94)，🐷乳豬件好脆好正，而且一件有平日兩件咁大，唔會唔夠喉。無花菓極品黑叉燒($138)，叉燒同平日嘅造型唔同，有8粒。我覺得個樣似東玻肉粒多啲🙈，個汁用上無花菓醬取代燒汁，配埋側邊嘅魚子醬食，富有創意。但我自己鍾意食傳統嗰隻多啲😝，食慣咗。原隻鮑魚花膠撻($48/件)，呢個撻不得了，上面隻鮑魚好好味，一啲都唔韌，夾埋下面嚿花膠撻食一流😋，而且撻皮好鬆脆。晶瑩筍尖蝦餃皇(3件)($58)，🍤蝦餃大大隻，個皮整得唔錯。大地魚末燒賣(3件)($48)，燒
玻璃入面聽講好似夜晚會有個師傅燒乳豬🤔。
餐廳環境好有氣派，座位非常闊落，✨燈光亦都好靚。望落好似有唔少包箱座位。
望下個餐牌先，有啲套餐揀，但我哋想食點心同燒味，所以散叫！仲見到枱頭有個牌寫住有午市超值孖寶，承惠$88就有鮑汁花膠撈飯同即燒無花菓天下第一豬(3件)。的確係幾抵😜，因為個飯本身都唔平。
鮑汁花膠撈飯(原價$188)，個飯真係好奢華🙈，用料有好多花膠絲同瑤柱絲，上面仲有好多木魚，好多餸好多汁，餸仲多過飯🍚！
即燒無花菓天下第一豬(3件)(原價$94)，🐷乳豬件好脆好正，而且一件有平日兩件咁大，唔會唔夠喉。
無花菓極品黑叉燒($138)，叉燒同平日嘅造型唔同，有8粒。我覺得個樣似東玻肉粒多啲🙈，個汁用上無花菓醬取代燒汁，配埋側邊嘅魚子醬食，富有創意。但我自己鍾意食傳統嗰隻多啲😝，食慣咗。
原隻鮑魚花膠撻($48/件)，呢個撻不得了，上面隻鮑魚好好味，一啲都唔韌，夾埋下面嚿花膠撻食一流😋，而且撻皮好鬆脆。
晶瑩筍尖蝦餃皇(3件)($58)，🍤蝦餃大大隻，個皮整得唔錯。
大地魚末燒賣(3件)($48)，燒賣同樣大大粒，有大大嚿蝦肉🦐，無肥豬肉，口味亦比較健康吧。
茗茶一位$20，我哋要咗桂花烏龍🍵。
總括嚟講，呢次嘅高級精品粵菜點心餐🥢體驗能夠讓我一嚐創意料理。價格定位屬高檔次，但的確環境同食材都配得起呢個價錢，過時過節一班人想食好啲可以嚟試下。環境真係好舒服，適合同朋友傾下計，無平日酒樓咁嘈啊。
Post
