紫醉軒 (Closed)

媽咪好鍾意食中菜，是日晚上就帶咗佢去油麻地譽發廣場新開的「紫醉軒」。餐廳裝修型格有特色，充滿氣氛及情調，無論朋友/家庭聚會或情侶用餐都適合豉椒炒蟶子新鮮又大隻嘅蟶子加入蒜蓉、豆豉、三色椒、辣椒🌶️等等一齊爆炒，色香味俱全！台式三杯雞熱辣辣嘅台式三杯雞煲，雞髀、雞胸同雞柳樣樣齊，雞肉口感嫩滑，雞味濃郁！加咗香蔥、青紅椒及九層塔等等一同烹調，好有鑊氣又惹味，勁好食，忍唔住叫碗白飯陳皮鬼馬咕嚕肉餐廳推介的陳皮鬼馬咕嚕肉，同平時嘅咕嚕肉有少少唔同～以陳皮同油炸鬼取替左平常的菠蘿🍍油炸鬼&豬肉炸到金黃香脆，每件都沾滿呈拔絲效果的醬汁，賣相一流！醬汁加咗陳皮，酸酸甜甜，好開胃，佐飯絕配蒜蓉菜心菜心已經去除老葉，只保留鮮嫩部份，口感爽脆無榨👍🏻簡單的加入蒜蓉清炒，鮮甜味美