Mango Tree

Open Now

Now Closed

家人鍾意食泰菜，想搵間坐得舒服又有少少景睇嘅泰菜，非芒果樹莫屬。早個幾星期訂位，成功留左窗口位。一行四人，點左好多野，同四杯野飲。大蝦柚子沙律，滿口清新，蝦好新鮮，開開胃先。冬蔭功好濃蝦味，蝦有好多膏，湯底較清，唔太辣，不錯。再黎豬頸肉同沙嗲，略嫌豬頸肉燒得唔夠燶唔夠香口。沙嗲中規中矩，家人鍾意啖啖肉。炒椰菜苗好食，好嫩冇渣。粉絲蝦煲有最少四邊大蝦，好彈牙，粉絲索晒鮮味，正！而芒果蟹肉炒飯就light少少，冇咁燶味，平衡番。最後叫左三個甜品，一個椰汁馬蹄冰、一個芒果糯米飯同埋芒果芝士蛋糕。由於同家人慶祝生日，餐廳都幫手點上生日蠟燭。最後埋單$1700，為番一人四百幾，作為泰菜fine dining，加少少景觀，算係唔錯。