金記冰室 (黃大仙中心南館) (Under Renovation)

因為covid-19，好耐無出街食飯，放工經過黃大仙中心，去咗金記冰室，買咗兩個小菜返屋企慢慢食。餐廳裝修好有特色，同一般茶餐廳好唔同，好有中國傳統風味，等疫情過咗，一定要黎堂食。餐牌有好多選擇，最後揀咗一個晚餐黑椒牛仔骨餐，同一個菠蘿生炒骨。黑椒牛仔骨晚餐都幾抵，有小菜，飯，湯同餐飲。牛仔骨好大塊，好入味，好香，又夠軟，D配菜青椒同紅椒都好有味個餐湯我地揀咗紅湯，好足料。熱華田菠蘿生炒骨個汁酸酸甜甜好好味，餸飯真係一流，而且食落去仲係好香口。