Video
Read full review
2018-02-23
74 views
情人節緊係要慶祝下食下好野啦。一直以為西班牙菜同普通西餐差唔多，都係普通意粉牛扒。今次食完呢間西班牙菜，完全令我愛上西班牙美食。Menu 其實好簡單，得兩版。主要有前菜、海鮮、肉類、飯類、麵食同甜品。我地基本每個種類揀1個。LAVA 慢煮牛腩 手工包 千層腐皮呢個要比5星，首先係個賣相靚；跟著一咬落，不得了，完全唸唔到地好味。個牛腩肉係打碎左，好入味。個包係好軟熟，加堆入面脆脆地既配料，同時有幾種口感。贊！鮑魚龍蝦小麥捲狀意粉呢個捲狀意粉係第一次食，好彈牙，都幾特別。個汁都好食，鮑魚龍蝦分量都OK，整體加埋意粉好食。我地好快就清曬。西班牙脆皮豬腩肉睇落好似好油膩，不過餐廳好聰明用左蘋果醬做醬汁，甜甜地食落唔會咁油膩感重。同埋個皮真係好脆，D蔬菜配料除左裝飾仲可以配肉食，加強口感。分量都多所以建議3個人以上食會好D。LAVA分子蜂蜜海綿蛋糕配意大利雲呢拿雪糕個賣相簡直係一個藝術品XD，打卡必備。如果鍾意蜂蜜味既朋友一定試。有果仁，藍莓草莓仲有朱古力醬同雪糕，加埋一齊食，贊！每一道菜都用唔同設計既碟上，好似豬腩肉用仿石牒上，手工包有個木架仔。睇落去D野食好簡單，其實樣樣都好精緻，整得好睇又
Menu 其實好簡單，得兩版。主要有前菜、海鮮、肉類、飯類、麵食同甜品。
我地基本每個種類揀1個。
LAVA 慢煮牛腩 手工包 千層腐皮
呢個要比5星，首先係個賣相靚；跟著一咬落，不得了，完全唸唔到地好味。個牛腩肉係打碎左，好入味。個包係好軟熟，加堆入面脆脆地既配料，同時有幾種口感。贊！
鮑魚龍蝦小麥捲狀意粉
呢個捲狀意粉係第一次食，好彈牙，都幾特別。個汁都好食，鮑魚龍蝦分量都OK，整體加埋意粉好食。我地好快就清曬。
西班牙脆皮豬腩肉
睇落好似好油膩，不過餐廳好聰明用左蘋果醬做醬汁，甜甜地食落唔會咁油膩感重。同埋個皮真係好脆，D蔬菜配料除左裝飾仲可以配肉食，加強口感。分量都多所以建議3個人以上食會好D。
LAVA分子蜂蜜海綿蛋糕配意大利雲呢拿雪糕
個賣相簡直係一個藝術品XD，打卡必備。如果鍾意蜂蜜味既朋友一定試。有果仁，藍莓草莓仲有朱古力醬同雪糕，加埋一齊食，贊！
每一道菜都用唔同設計既碟上，好似豬腩肉用仿石牒上，手工包有個木架仔。睇落去D野食好簡單，其實樣樣都好精緻，整得好睇又好食，超有驚喜。睇得出好有心機整，抵贊！
細心位係佢地會等你食完一道先再上第二道，非常貼心。環境都好舒服，會播放舒服的音樂，場內可以叫酒飲，唔會好吵鬧，好岩同朋友聚會食野傾計。
一定再支持。
Post
