鐵板超

Open Now

Now Closed

鐵板超位於尖沙咀，地點超方便，附近返工放lunch想食返餐好嘅叉叉電都可以考慮下～呢度嘅鐵板燒和牛真係超正，入口即溶好有牛味，燒完溢出牛油嘅香真係超正，唔會燒得太乾，裏面仲鎖住肉汁好Juicy，師傅仲好細心兩件走青兩件冇走，滿足食客提出嘅需要😋燒海老同埋鱈魚又係超好味，蝦好新鮮又大隻，火侯剛剛好，將海鮮嘅鮮味迫晒出嚟～鱈魚好嫩滑，將魚油煎出魚皮好脆，口感非常豐富😍鵝肝多士好邪惡，鵝肝油非常甘香，煎完出嚟可能會有啲膩，但係配合脆多士吸左啲精華中和咗就好完美，多多都食得落🤩成個餐設計得好好，幾度主菜份量啱啱好唔會太漏，而最後嘅炒飯都好好味好夠鑊氣，啱晒一定要食少少碳水先夠頂肚嘅朋友。前菜沙律蔬菜非常fresh，食完好開胃，而最後有一個炒雜菜，令全餐飯嘅營養更加全面。總括而言，餐廳走中高尚路線，但絕對物有所值，食材新鮮燒得恰到好處，推介大家拍拖生日約埋朋友仔一齊嚟試吓～