Aroma Truffle (Closed)

細佬今日經過銅鑼灣，買左2大包薯片返屋企，係之前見到成日賣廣告既新加坡aroma黑松露薯片，之見想試好耐。check下原來上網都有得買：https://www.aromatruffle.hk，之後就算想食都唔洗特登去買。原味黑松露薯片，一大開包裝已經聞到好濃既黑松露味。而且係波浪紋，咬落好香脆，而且加左香草，增加多一重層次，相當唔錯。另外，佢仲買左蜜糖芥末，除左原先黑松露味，仲多左甜甜辣辣味道，好過癮，最適合睇住電視用黎做零食，一塊接一塊，一家人食好快就清曬。就算食唔曬都唔驚，佢有個zip位，可以密封保存，好貼心。價錢要$68一包，間中奢侈一下都值得既。