喜來稀肉 (Closed)

朋友約食飯，來到呢間喜來希肉。兩個人叫左四樣野：牛肩肉，牛肋條，大醬湯及芝士石鍋飯。菜式都有驚喜！先講下個大醬湯，味道鮮，原來佢地放左半隻蠏煮蠏湯，唔怪得咁正！之後個芝士石鍋飯，芝士多到滿曬飯面。睇賣相都知好味啦（如果你喜歡食芝士）。另外燒肉，牛肋條冇咩筋，入口肉味香濃有口感。牛肩肉鬆軟牛味濃，十分新鮮！唔少得的係爐邊的芝士蛋及泡菜蛋，餸飯一流。額外一提，呢間環境一流，適合撐枱腳呀！