Video
Read full review
2021-02-03
865 views
請朋友食生日飯，冇得晚市堂食，就唯有晏晝食好少少，之前去過銅鑼灣嘅分店，今日就過嚟尖沙咀。未去過The Nate 呢棟大廈，原來位於山林道，lift 口位置唔顯眼，好容易就錯過咗。搭lift直上2樓，一開門有啲驚喜，有好靚嘅燈泡裝飾，如果夜晚嚟食飯飲酒，相信一開門就可以將工作嘅煩惱拋諸腦後。裏面大部份都係高枱設計，旁邊有落地大玻璃，所以日頭食飯都可以睇吓街景。下午有lunch set， $108至$198不等，不過話明食生日飯就決定散叫。部份菜式指名尖沙咀店限定梗係要試吓啦！薄切慢煮八爪魚配日本海葡萄（ $98 ），估唔到八爪魚都會用慢煮呢個方法，相比平時壽司舖食嗰啲，感覺比較軟腍新鮮，海葡萄咬落卜卜聲，爽脆又有益。棒棒鵝肝配日本清酒（ $98 ），非一般橫切嘅鵝肝，佢做到圓粒粒咁樣，加上少少果仁碎，味道非常濃郁，口感順滑，店員特別提醒要食完鵝肝先飲清酒，酒醇冰凍甘香，呢個價錢就已經有高級嘅享受，抵呀。西班牙薯仔蛋餅配日式明太子（$88 ），蛋餅我一向都鍾意，賣相幾唔錯，煎得好香口，裏面有薯仔，面頭有芝士加明太子，切開仲有流心驚喜，帶點輕輕嘅辣味，味道唔錯。檸汁白酒煮蜆（ $98 ），
搭lift直上2樓，一開門有啲驚喜，有好靚嘅燈泡裝飾，如果夜晚嚟食飯飲酒，相信一開門就可以將工作嘅煩惱拋諸腦後。裏面大部份都係高枱設計，旁邊有落地大玻璃，所以日頭食飯都可以睇吓街景。
下午有lunch set， $108至$198不等，不過話明食生日飯就決定散叫。部份菜式指名尖沙咀店限定梗係要試吓啦！
薄切慢煮八爪魚配日本海葡萄（ $98 ），估唔到八爪魚都會用慢煮呢個方法，相比平時壽司舖食嗰啲，感覺比較軟腍新鮮，海葡萄咬落卜卜聲，爽脆又有益。
薄切慢煮八爪魚配日本海葡萄
$98
21 views
0 likes
0 comments
棒棒鵝肝配日本清酒（ $98 ），非一般橫切嘅鵝肝，佢做到圓粒粒咁樣，加上少少果仁碎，味道非常濃郁，口感順滑，店員特別提醒要食完鵝肝先飲清酒，酒醇冰凍甘香，呢個價錢就已經有高級嘅享受，抵呀。
棒棒鵝肝配日本清酒
$98
13 views
0 likes
0 comments
西班牙薯仔蛋餅配日式明太子（$88 ），蛋餅我一向都鍾意，賣相幾唔錯，煎得好香口，裏面有薯仔，面頭有芝士加明太子，切開仲有流心驚喜，帶點輕輕嘅辣味，味道唔錯。
西班牙薯仔蛋餅配日式明太子
$88
27 views
0 likes
0 comments
檸汁白酒煮蜆（ $98 ），芫荽洋蔥加埋檸汁白酒，個汁煮得唔錯，可以帶出蜆嘅鮮味，酸酸地，開胃好味，份量都唔少。
檸汁白酒煮蜆
$98
16 views
0 likes
0 comments
巴塞隆拿式烤紅蝦（ $88 ），一共有五隻，我當然唔知咩叫巴塞隆拿食，不過就係好多香草，而且都幾濃味，隻蝦都幾大隻，這新鮮爽口。
巴塞隆拿式烤紅蝦
$88
18 views
0 likes
0 comments
烤煎慢煮西班牙黑毛豬鞍架配些厘醋燒汁半炸薯粒（ $158 ），件豬鞍都幾大件，而且肉質好腍，配埋個燒汁好好味。更估唔到嘅係佢嘅炸薯粒都好好味，真係粒粒香脆，份量都好多，我食到停唔到。
烤煎慢煮西班牙黑毛豬鞍架配些厘醋燒汁伴炸薯粉
$158
15 views
0 likes
0 comments
我哋仲叫咗兩杯Sangria慶祝吓， （ $60 ），一紅一白，裏面有水果粒，冰凍好味，酒味唔濃容易入口，午餐飲都係唔錯嘅選擇。
Sangria
$60
11 views
0 likes
0 comments
Post
