Video
Read full review
2021-06-07
33 views
疫情關係無得去旅行搞到個人好悶，今日拎左假，決定去西環行一圈輕鬆一下第一件事緊係揀間靚餐廳cheer up自己先啦！餐廳🍴裝潢裏裏外外都好精緻，古典同埋泰式風情，坐位間距離足夠，坐得舒服，俾食客感覺好relaxing👍🏻餐廳走西泰fusion，餐牌選擇都好多樣化，眼花撩亂😍服務員服務態度幾好，見到我地心大心細亦都熱心推介😆我地叫左兩個set，上菜速度唔慢👍🏻首先上黎既係佢地既signature🥐🦞法式龍蝦湯流心牛角包牛角包size其實都算中中挺挺，望落好似普普通通咁，睇唔出係包左餡，仲要係湯呢d咁流質既野既餡但一切落去，入面滿滿既龍蝦湯就即刻流哂出黎，係有少少難以想像入面會包左咁多湯呢個菜色可以叫做類似龍蝦酥皮湯既反轉演繹版，不過唔止增添埋牛角包既口感同芝士碎既香味，仲有流心既效果😋😋😋果然係signature，係做到色香味俱全😍🍽前菜係白松露燒真姬菇以前菜黎講，佢既份量都幾多碟上燒真姬菇睇唔出有咩特別，就好似普通牛油炒咁，但佢既白松露既味好出😳一上菜，熱辣辣，濃濃既果陣松露gas味撲鼻而黎🤤🤤🤤真姬菇又滑又嫩，細細條但有咬口既菇，每一啖食都有白松露既香味而且都真係裝滿成個碟，份量比預
第一件事緊係揀間靚餐廳cheer up自己先啦！
餐廳🍴裝潢裏裏外外都好精緻，古典同埋泰式風情，坐位間距離足夠，坐得舒服，俾食客感覺好relaxing👍🏻
餐廳走西泰fusion，餐牌選擇都好多樣化，眼花撩亂😍
服務員服務態度幾好，見到我地心大心細亦都熱心推介😆
我地叫左兩個set，上菜速度唔慢👍🏻
首先上黎既係佢地既signature🥐
🦞法式龍蝦湯流心牛角包
牛角包size其實都算中中挺挺，望落好似普普通通咁，睇唔出係包左餡，仲要係湯呢d咁流質既野既餡
但一切落去，入面滿滿既龍蝦湯就即刻流哂出黎，係有少少難以想像入面會包左咁多湯
呢個菜色可以叫做類似龍蝦酥皮湯既反轉演繹版，不過唔止增添埋牛角包既口感同芝士碎既香味，仲有流心既效果😋😋😋
果然係signature，係做到色香味俱全😍
🍽前菜係白松露燒真姬菇
以前菜黎講，佢既份量都幾多
碟上燒真姬菇睇唔出有咩特別，就好似普通牛油炒咁，但佢既白松露既味好出😳
一上菜，熱辣辣，濃濃既果陣松露gas味撲鼻而黎🤤🤤🤤
真姬菇又滑又嫩，細細條但有咬口既菇，每一啖食都有白松露既香味
而且都真係裝滿成個碟，份量比預想既多，鐘意白松露，菇類既人可以食到夠😆
🍍接著既係龍蝦鳳梨沙律
沙律既份量亦都好似炒菇咁，長長一碟，沙律菜新鮮，爽口，冇黃葉，而且菜既種類都有幾款
菠蘿新鮮，係成隻菠蘿開出黎既菠蘿肉，唔係罐頭菠蘿，有誠意
面頭大大球既龍蝦沙律有四球，每球都有兩個食飯匙羹咁大球，配住成碟沙律菜黎食都夠哂🥗
而且沙律菜配搭左有蜜糖既dressing，甜甜地，可以好好咁平衡成個沙律👍🏻
食完呢三樣頭盤，跟住就黎主菜。
🥘第一樣係瑪莎曼咖哩和牛面頰配飯
佢地既瑪莎曼咖喱幾特別，有少少似沙嗲醬咁，入面既餡非常多😋
有粒粒花生，比較杰同乾身，而且有層唔算辣既紅油
咖喱味道咸香，冇咩甜味，口感同香味豐富，配搭和牛面頰肉都幾夾
和牛面頰肉質軟腍，同埋有牛面頰肉既特徵，有柔軟到唔洗點o趙既位，又有帶少少筋位多d口感既部位🤗
同埋雖然佢地用和牛，但係用既量一d都唔慳，成碟起碼有五六舊
豐富既香味，加上和牛肉既肉香夠軟腍既質感，係一道唔錯既主菜👍🏻
🦞另一道係龍蝦汁蟹肉伊面
呢道主菜有蝦膏同埋咸蛋黃既味😍汁唔算多，都算係比較乾身既伊麵
但伊麵上面都會均衡咁沾到蝦膏加咸蛋黃既醬，所以有幾濃香既龍蝦味🤤🤤
而且伊麵旁邊有半隻龍蝦喺度，幾種鮮明既顏色夠搶眼
雖然咁樣聽落好似好重口味既味道，其實佢既調味就反而唔重，咸味唔勁，所以唔會感覺太heavy，都唔會覺得又咸又膩咁👍🏻
濃郁既味道，配上有適當口感既伊麵
而且有飛魚籽、炸乾蔥、同少量應該係蒜芯黎既菜，令成個伊麵有唔同既口感同味道，既係中菜既配搭又有fusion既感覺🤗
開胃菜前菜主菜都食哂之後，其實我地已經幾飽。因為佢地既份量真係唔細，係預想以外既大份🤣
🥥甜品一款係椰子Gelato配風乾鳳梨同黑糯米
我地都鐘意椰子味既菜式，無論咸既定係甜品🤣
呢個Gelato唔止香滑，仲有濃濃既椰子香甜味，而且面頭少少椰絲仲令佢既椰子味更上一層樓😍
而上面菠蘿乾，就添加左熱帶生果既味道同脆卜卜既口感
至於底既黑糯米，就同個雪糕好夾，好似食緊椰汁黑糯米咁樣，香甜軟糯😆👍🏻
🥐另一款係泰式奶茶流心牛角包
試完佢龍蝦湯口味既signature，點可以放過泰奶口味既版本
泰奶又甜又香茶味，一定同牛角包好夾😋
無奈我地真係太飽，食完開始既溶既gelato之後，甜品牛角包放左一陣先食，所以個包開始索左d泰式奶茶，切開既時侯冇咁龍蝦湯果個咁流心
但切多兩刀就見到包既內層係索左唔少泰奶，雖然外皮依然脆口，但入面就會林左少少，所以記得要趁熱食😆
Post
