Video
Read full review
2019-10-29
146 views
最近收到老細封大利是，所以就同左我10幾年既BFF一齊去慰勞下自己啦。我地就去左銅鑼灣既Omakase【鮨金】食晚餐。環境安靜舒適、位置寬敞，services都好好！因爲係星期日我地就叫左做半價優惠既［和牛宴］、$750就食到8道A4/A5和牛菜式，真係好抵！［和牛宴］包括唔同產地同部位既和牛，包括鹿兒島和牛、佐賀牛、熊本牛、飛驒牛及山形牛。和牛肥瘦適中，完全唔會有筋、但同時唔會成嘴油、牛味香濃但唔騷！前菜：關西風和牛刺身（熊本A4牛肩頸肉）：和牛刺身無筋、軟嫩，搭配洋葱同關西醬汁非常香口濃郁。和牛免治（飛驒牛A5肩肉）: 生牛免治搭配生蛋黃，非常滑嫩、再加上炸蔬菜絲口感非常特別！和牛他他（山形牛A5西冷）：兩面有稍為燒炙一兩成熟，再切薄片，外面有少少脆香但内裏係生、再搭配酸酸海帶汁、清新開胃。 蒸物 自家製日式和牛蒸餃子（鹿兒島A4後腿肉）：牛肉餡好重牛味（但唔騷），好多汁同皮超薄！ 燒物 和牛石燒（飛驒A5肩胛肉）：超熱石塊烤肉，飛驒A5肩胛肉肥瘦適中，兩面各燒2-3秒，香氣逼人，入口即化，又唔會好肥好油，食到原汁原味！ 煮物 和牛海膽廣島蠔薄燒（山形A5西冷）：烟熏味好香，同和牛
前菜：
關西風和牛刺身（熊本A4牛肩頸肉）：和牛刺身無筋、軟嫩，搭配洋葱同關西醬汁非常香口濃郁。
和牛免治（飛驒牛A5肩肉）: 生牛免治搭配生蛋黃，非常滑嫩、再加上炸蔬菜絲口感非常特別！
和牛他他（山形牛A5西冷）：兩面有稍為燒炙一兩成熟，再切薄片，外面有少少脆香但内裏係生、再搭配酸酸海帶汁、清新開胃。
蒸物 自家製日式和牛蒸餃子（鹿兒島A4後腿肉）：
牛肉餡好重牛味（但唔騷），好多汁同皮超薄！
燒物 和牛石燒（飛驒A5肩胛肉）：
超熱石塊烤肉，飛驒A5肩胛肉肥瘦適中，兩面各燒2-3秒，香氣逼人，入口即化，又唔會好肥好油，食到原汁原味！
煮物 和牛海膽廣島蠔薄燒（山形A5西冷）：
烟熏味好香，同和牛卷好match，不過個人唔食蠔，所以覺得蠔味重左D。
炸物 吉列和牛粒（鹿兒島A4西冷）：
和牛粒就算炸完都完全唔會乾同韌，好脆同香口！
吸物 和牛上湯堂灼和牛（佐賀A4三角肉 ）：
用新鮮牛骨熬煮既上湯，非常濃郁鮮甜，但又唔會死咸！單飲湯已經非常鮮美，搭配軟嫩三角肉真係再加分不少！
和風炒和牛釜飯（鹿兒島A3牛肩脊肉）：
飯放係超熱石鍋入面，所以有少少飯焦，脆脆香香，而且洋葱燒肉醬汁非常好味！
時令水果：
本身以為水果只係額外、點知都好高quality！柿好清甜爽口、蜜瓜甜又多汁！
趁依家星期日半價優惠試下呢個［和牛宴］都係一個慰勞自己唔錯既方法～
Post
