1988 (Closed)

之前已經食過一次，今次食過返尋味所以再嚟。由於每樣餸菜都好出色，性價比幾高，所以好多都係上次食過嘅。我哋一行四人，叫咗六樣野食，非常夠飽！我個人特別喜歡佢嘅鳳爪沙律，份量十足。同埋炸蝦餅，熱辣辣，真係可以大大啖咬落去好爽。今次朋友話想轉下，所以冇叫泰式炒金邊粉叫咗個炒飯，而炒飯相對起嚟普通少少。不過叫咗個豬手送飯就一流啦！由於佢每樣嘢食份量十足，所以四至六個人嚟食先可以試多啲款，比較適合幾人聚餐。不過要留意，佢地方唔算好大，所以有少少迫。