魔膳廚房 (Closed)

一早起身就有一種好想食自助餐嘅心情，返到公司開始同同事研究附近有啲咩自助餐好食，發現處於工廈地方工作嘅我哋，好嘢食係絕對冇我哋份嘅！直至到午餐嘅時候經過左一個裝修特別嘅出入口，好奇心驅使我哋行入去睇吓，就見到魔膳廚房，反正觀塘附近都冇咩好食，就乾脆試吓呢間啦，夜晚入到去首先基本上已經滿座，喺門口唔遠嘅附近有一項係甜品區，裏面嘅甜品款式多元化，就連台灣出名嘅芋圓都有，呢度仲唔止一兩款添，跟住就有一個沙律吧，裏面嘅款式非常多，亦都好啱香港人嘅口味，仲有兩種餐湯選擇，最令我深刻印象嘅就係黑松露蘑菇湯，另外一邊有大量嘅高質牛扒，肉質鮮甜不特止，仲要無限量供應，絕對唔會孤寒，大大話話都食咗兩個鐘，絕對係抵食夾大件