Video
Read full review
2019-06-25
201 views
新蒲崗自大型商場啟業，區内故有食肆裝修昇级；新食肆亦陸續進駐；是晚晚飯景福街嘅 TC Bistro 經飯友推介，如果唔係分分鐘走雞。第一讚嘅已經係是日沙律，加入新鮮無花果， 清新甜美；另一碟大大份大家分享嘅牛油果凱撒沙律同樣好好食，蔬果新鮮，羅馬生菜入口超爽唔會有草腥味，牛油果又香又淋，沙律醬份量、味道都恰到好處、就連沙律上嘅麵包粒都食得出係新鮮麵包。餐湯南瓜湯味道雖然較平凡，但一樣可以飲得出廚師功夫。其實最誘惑惠臨光顧就係專誠來食嘅威靈頓牛柳。蘇皮嘅誘惑加上牛柳，只要係道友必定會 條件反射一樣，一見菜單上有依個菜必選。牛油酥皮香係必定㗎啦，牛柳肉嫩多汁，切開見粉紅色嘅牛柳，廚師巧手火候控制高下立見；味道控製上更以蘑菇碎放於牛柳底與酥皮之間，香味更上一層樓。下一道醬烤豬肋骨亦一樣不得了，一入口即刻食出與分店眾多嘅美式、澳式餐廳嗰啲骸颯颯乾爭爭無得比，更連燒燶位都無；醬汁味道亦唔會過濃蓋過肉味。北海道帶子露筍天使麵，食材新鮮，帶子大大粒忌廉汁香味有特色，配帶子及天使麵味道一流，每一條麵條均沾上黑松露忌廉汁，好好味。餐飲白桃乳酸及法式焦糖燉蛋，雖然係錦上添花但明顯唔係揸流灘。是晚美食真係冇
新蒲崗自大型商場啟業，區内故有食肆裝修昇级；新食肆亦陸續進駐；是晚晚飯景福街嘅 TC Bistro 經飯友推介，如果唔係分分鐘走雞。
是日沙律
8 views
0 likes
0 comments
第一讚嘅已經係是日沙律，加入新鮮無花果， 清新甜美；
牛油果凱撒沙律
$118
8 views
0 likes
0 comments
另一碟大大份大家分享嘅牛油果凱撒沙律同樣好好食，蔬果新鮮，羅馬生菜入口超爽唔會有草腥味，牛油果又香又淋，沙律醬份量、味道都恰到好處、就連沙律上嘅麵包粒都食得出係新鮮麵包。
餐湯麵包
4 views
0 likes
0 comments
餐湯南瓜湯味道雖然較平凡，但一樣可以飲得出廚師功夫。
其實最誘惑惠臨光顧就係專誠來食嘅威靈頓牛柳。
威靈頓牛柳
$298
4 views
0 likes
0 comments
蘇皮嘅誘惑加上牛柳，只要係道友必定會 條件反射一樣，一見菜單上有依個菜必選。牛油酥皮香係必定㗎啦，牛柳肉嫩多汁，
威靈頓牛柳
$298
13 views
0 likes
0 comments
切開見粉紅色嘅牛柳，廚師巧手火候控制高下立見；味道控製上更以蘑菇碎放於牛柳底與酥皮之間，香味更上一層樓。
醬烤豬肋骨
$198
7 views
0 likes
0 comments
下一道醬烤豬肋骨亦一樣不得了，一入口即刻食出與分店眾多嘅美式、澳式餐廳嗰啲骸颯颯乾爭爭無得比，更連燒燶位都無；醬汁味道亦唔會過濃蓋過肉味。
北海道帶子露筍天使麵
$162
5 views
0 likes
0 comments
北海道帶子露筍天使麵，食材新鮮，帶子大大粒忌廉汁香味有特色，配帶子及天使麵味道一流，每一條麵條均沾上黑松露忌廉汁，好好味。
白桃乳酸+ 法式焦糖燉蛋
6 views
0 likes
0 comments
餐飲白桃乳酸及法式焦糖燉蛋，雖然係錦上添花但明顯唔係揸流灘。是晚美食真係冇走雞。
Post
