禮記 (Closed)

經過幾次，望到餐廳走高級路線，今日入去試一試， 近海邊，新樓盤，有間高質點心餐廳，走入去試試。茶款特別，叫咗玫瑰茘枝茶，味道清香，好特別的茶種，入口散發茘枝香。試下傳統燒賣，用料新鮮，加上有黑魚子和帶子點綴更生色。腸粉皮滑內脆，口感特別，層次豐富。其他點心就冇咩特別驚喜，但即叫即蒸，熱辣辣上枱，真係唔係間間可以做到。節日也提供多款套餐，三五知己嚟聚聚，也是一個不錯的選擇。餐廳位置遠離地鐵站，交通不方便，又走高檔線路，平日人流不多，希望能做得住。