Video
Read full review
2023-09-13
2718 views
再訪和緣，今次就試吓佢夜晚嘅omakase ，直頭係深深感受到貧窮限制咗我對奢華嘅想像😂 signature 嘅大拖羅、白蝦加埋北海道馬糞海膽， 底係天婦羅紫菜而上面就係紅菜頭泡沫，香脆嘅天婦羅配埋各種鮮味嘅海鮮，真係要分幾啖食，慢慢享受☺️ 當日嘅刺身有愛緩蜜甘鯛、石垣貝同黑鯥，黑鯥永遠都係我嘅最愛，仲要加咗烏魚子碎真係好夾。天婦羅遼參包住海蝦，遼參keep住應有嘅口感，配埋新鮮海蝦，同埋碟上嘅梅子鹽、柚子鹽同七味鹽，令相對淡味遼參添上一份色彩☺️ 茶碗蒸加埋日本北海道生蠔，生蠔極大隻，而且煎過好香口，鮮味落咗落茶碗蒸上面，令一個普通嘅茶碗蒸都變到成為一個主角☺️ 冬瓜湯加左北海道象拔蚌同埋竹笙，北海道象拔蚌仍然爽口唔會過熟，海鮮嘅鮮味更加攞晒落個湯底，同埋個竹笙吸晒啲汁，飲落好舒服☺️ 天婦羅天草地蛤又係另一傑作，實在無諗過咁樣炸貝殼類仲keep到水份，配埋抹茶鹽食都幾出色。鹿兒島西冷和牛配菠菜芝麻醬，和牛西冷肉味濃同嫩，配上即磨黑松露片，佢哋嘅黑松露醋汁都幾驚喜，仲可以解解膩！北海道馬糞海膽手卷，簡直都唔需要講太多，鮮甜！甜品嘅自家製wasabi sorbet 同紅豆和菓子配宇治抹茶都唔
signature 嘅大拖羅、白蝦加埋北海道馬糞海膽， 底係天婦羅紫菜而上面就係紅菜頭泡沫，香脆嘅天婦羅配埋各種鮮味嘅海鮮，真係要分幾啖食，慢慢享受☺️
當日嘅刺身有愛緩蜜甘鯛、石垣貝同黑鯥，黑鯥永遠都係我嘅最愛，仲要加咗烏魚子碎真係好夾。
天婦羅遼參包住海蝦，遼參keep住應有嘅口感，配埋新鮮海蝦，同埋碟上嘅梅子鹽、柚子鹽同七味鹽，令相對淡味遼參添上一份色彩☺️
茶碗蒸加埋日本北海道生蠔，生蠔極大隻，而且煎過好香口，鮮味落咗落茶碗蒸上面，令一個普通嘅茶碗蒸都變到成為一個主角☺️
冬瓜湯加左北海道象拔蚌同埋竹笙，北海道象拔蚌仍然爽口唔會過熟，海鮮嘅鮮味更加攞晒落個湯底，同埋個竹笙吸晒啲汁，飲落好舒服☺️
天婦羅天草地蛤又係另一傑作，實在無諗過咁樣炸貝殼類仲keep到水份，配埋抹茶鹽食都幾出色。
鹿兒島西冷和牛配菠菜芝麻醬，和牛西冷肉味濃同嫩，配上即磨黑松露片，佢哋嘅黑松露醋汁都幾驚喜，仲可以解解膩！
北海道馬糞海膽手卷，簡直都唔需要講太多，鮮甜！
甜品嘅自家製wasabi sorbet 同紅豆和菓子配宇治抹茶都唔錯，前者奶香但帶有少少辣，都幾清新；後者宇治抹茶嘅回甘加埋少少甜嘅紅豆菓果子，兩平衡得好好，為呢一餐劃上左個美好嘅句號☺️
Post
