88 HIGH STREET (Closed)

餐廳位置在西環高街，分別有室內及室外座位，環境寬敞，坐得舒服，播住輕快既音樂，令人有放鬆既感覺。今日星期六，餐牌有提供全日Brunch ，包括餐湯或沙律、主菜、是日甜品、飲品；而家餐廳做緊推廣，全日可以$88優惠價，加配封門牛柳蕃茄醬意大利粉，十分抵食。蝦肉沙律配泰式甜醬汁：蝦肉新鮮彈牙，沙律菜口感爽脆，配上泰式甜醬汁，酸甜可口。香煎羅非魚柳配藜麥沙律,西蘭花,芒果莎莎醬：魚肉嫩滑無骨，煎到金黃色，邊位特別香口，配上顏色鮮艷而且營養豐富既藜麥，食得更健康。封門牛柳蕃茄醬意大利粉：屬罕有部位既封門牛柳，肉質鬆軟，牛肉味濃郁；意粉煮得軟硬適中，而且沾滿蕃茄醬汁，酸酸甜甜，清新開胃。總結，餐廳食物質素高，份量大又好味，值得再回訪。