Grotta Wine & Dine (Closed)

今次已經不是第一次嚟，每次嚟都有新驚喜，所以今次一定要寫食評，希望可以多啲人認識呢間新開既餐廳，餐廳既第一眼吸引之處一定係裝修，整個感覺都好Chill，門口既特式牆絕對係打卡熱點。之前試過沙律，芒果大蝦🍤沙律絕對係值得推介，今次冇食沙律，叫了一個蒜香白酒汁蜆肉伴多士，佢係以一個砂煲上枱既，一打開蓋，賣相同香味超吸引，即刻開餐，蜆肉好鮮味，之後再試埋面包同啲汁，面包好脆，再同啲汁夾埋食，又鮮又脆，正！主菜試過招牌海鮮意大利粉，好足料，海鮮新鮮，同埋啲汁夾埋意粉再加少少🤏黑椒，超贊。而今次就點左客廳出名既Steaks，牛扒海鮮大餐，西冷加烤大蝦，西冷岩岩好，我唔太like食好熟好乾，但又怕太生，呢個扒真係剛好，切既時候唔會話仲有血汁，但又可以keep到生生地，再加埋餐廳既House Red，完全岩晒我既口味，仲有烤蝦，建議加少少鹽食，鮮味更出。