鮨㐂 (Closed)

話說我想試Omakase好耐，今日終於有人帶我去啦！呢間「鮨㐂」真係連個名都唔識讀呀！原來讀「之喜」，個「㐂」字都係有喜樂的意思。簡潔裝潢以木器為主，感覺舒適！全間餐廳都好靜，好優雅既感覺。除了一間穩秘房間，所有座位圍著中間的壽司桌而坐。午餐定食都有幾多選擇，即使是Omakase也有6/9/12/15/18件壽司可選（$338-738），另外仲有個$980的廚師發板餐。我們揀左個九件壽司Omakase($438)，前菜係沙律同冬瓜，個冬瓜軟軟的暖暖的，加左「門鱔真子」（我都唔知咩黎）的茨汁，唔錯！然後沙律有菜、粟米粒，仲有個抽乾水的菇，脆卜卜，仲有粒剥左皮而且好甜的車厘茄。前菜之後有蟹肉蒸蛋，呢個真係好好味！蛋蒸得非常滑，每一啖都充滿蟹的香味，除了食到有蟹肉絲仲有蟹膏，好正！面頭有幾條蘿蔔苗，食落有少少甘味，令到整體的口感層次更豐富。跟住終於開始食壽司啦！首先有帶子壽司，件帶子都幾大，好鮮甜！由於呢度用醬醋飯，即係飯本身已落鼓油，食既時候唔需要再點啦。第二件係深海池魚，十分有口感，而且香青檸味好清新。平時好少機會睇住師傅整一舊壽司出來，呢度就可以，感覺味道更出色！能夠邊食邊同師傅交流，