Aroma Truffle (Closed)

新冠肺炎持續，無得去旅行就梗係架啦，但係咁係咪代表我地唔可以食來自世界各地嘅食物呢？是日放工後約左朋友去銅鑼灣希慎廣場食飯，食完飯經過Aroma Truffle，朋友表示好好味，叫我試下，咁我就買左一包原味同一包芝士味返屋企啦。薯片一包都有成100g，都算幾大包，最吸引嘅係佢嘅 zip袋設計，食完可以拍返埋，咁就可以分開好多次慢慢食又唔怕變腍啦。剪開包裝袋後，香濃嘅黑松露香味立即湧出來，薯片呈波浪形狀，有返咁上下厚度，食落好香脆，薯味亦都好出。至於芝士味亦係另一番風味，食落鹹香味濃，又唔會蓋過黑松露嘅味道。兩包薯片拎返屋企後，好快就俾我地KO左啦，下次要試埋其他味道呀。