十字冰室 (淘大商場) (Closed)

早幾日同母親大人去淘大睇戲，好耐無去，原來戲院裝修過之後，多左個十字冰室，睇戲之前重有啲時間，就決定入去食番個下午茶先。黑椒蜜糖巨人雞髀配沙律下午茶餐其中一個係雞髀餐，鍾意食雞髀嘅我當然唔可以放過。極推呢個巨巨巨巨人雞髀！🍗🤤第一次見大隻到咁嘅大雞髀 唔係講笑！雞髀肉好嫩滑 完全唔鞋 好厚肉好入味黑椒蜜糖汁掛汁力好強 蜜糖汁甜甜地 加上黑椒嘅惹味呢個配搭完全唔會比瑞士汁輸蝕🤙🏿拎上手大啖大啖咁食真係一流😭啖啖肉咁食真係 滿 足 到！不過隔離嘅雜果沙律就比較失望只係簡簡單單嘅罐頭生果配上沙律醬 但為左個巨人雞髀 絕對會encore多次！下午茶餐$42仲包飲品 大大份夠曬抵食 真心推另外加錢配左個爆谷奶昔，飲落有粒粒杯芽又唔會過甜，配上奶味十足嘅十字奶昔，好飲到傻！黑松露炒蛋菠蘿包另外母親大人就叫左個黑松露炒蛋菠蘿包，松露味好香，蛋加入左十字奶炒，真係幾滑。加埋菠蘿包，淡淡牛油香，邪惡得來又好食。呢間十字冰室真係幾唔錯，不過黑椒雞髀就好似呢間分店先有啦。