日日涮 (Closed)

上星期去美孚新邨探朋友，喺屋苑平台見到有間日式火鍋放題，昅吓個餐牌都幾吸引吓，有大盤海鮮同靚靚刺身。再望入餐廳係滿晒座，枱枱都放住大隻龍蝦，好吸引。當日好多人等位，所以趁今日星期一閒日嚟食。我地去到又比較夜，人客唔多，加上地方又大，坐得幾舒服。【海鮮盛合、刺身拼盤+晚巿120分鐘火鍋放題】有四種套餐選擇，我地揀咗【美國頂級牛小排放題$368/位】。湯底係一人一鍋，自己口味自己揀之餘又衛生。我地揀咗【骨膠原雞湯】同【小魚番茄湯】。小魚番茄湯真係有條魚仔喺度，番茄湯係比較清嘅，啱晒火鍋唔怕太濃而遮蓋食材味道。趁個湯未滾起先食個【刺身拼盤】，刺身有三文魚、吞拿魚、甜蝦、海膽、鯛魚。刺身全部都好新鮮，特別係鯛魚好甘甜又juicy，海膽亦新鮮冇異味。【海鮮盛合】成個盒堆滿晒海鮮，有南非龍蝦、海蝦、花甲、扇貝、鮑魚、桶蠔。篤吓隻鮑魚仲係郁緊架，勁新鮮。南非龍蝦好多肉，淥完出嚟肉質都係雪白爽彈，一啖放入口，大滿足！桶蠔都係大大隻，淥完冇乜縮水。【美國頂級牛小排】幼幼嘅雪花紋滿佈牛小排，肉質好嫩滑，堅係靚牛。【黑毛豬豚肉】都幾有肉味，又大塊，爽。【特選雞腿肉】切成一粒粒，用雞腿位，特別嫩滑。自助區火鍋