大呷台灣 (Closed)

去大館參觀前，搵間餐廳食左野先。見到有間台灣菜下午茶幾抵就決定試下鍋燒三杯雞三杯雞指那一杯麻油，一杯酒，一杯醬油，三杯加埋一齊煮雞，另一個特點就係一定要加九層塔！呢度既三杯雞夠哂正宗，雞肉熱辣辣上檯，店員再輕輕炒幾下，香氣四溢！雞肉吃起上黎甜甜地，又有麻油既香味，配埋九層塔濃郁既特殊香氣一齊食，味道層次非常豐富！香菇肉絲炒水蓮水蓮係台灣常見既蔬菜，但喺香港就好少見！水蓮食落有淡淡既蓮花香，口感爽脆，加埋肉絲同香菇一齊炒可以去除草青味。估唔到喺香港都可以食到咁有特色既台灣菜。紅燒雙盛牛肉麵配三杯魷魚燒牛肉麵係台灣食品中我最鍾意食既野食之一！好食既牛肉麵，湯底係非常重要，呢度既牛肉麵湯底清甜，唔會太咸。另外，牛肉麵既麵質非常好，粗幼適中，食落有少少彈牙，唔會太淋。而雙盛牛肉都就有牛筋同牛展，兩樣都非常入味。大呷香酥豬扒配肉燥飯香酥豬扒非常出色，炸漿做得夠薄夠香脆，豬扒肉汁豐富。肉燥飯都幾大碗，肉燥份量亦都足夠，肉燥係偏向瘦肉較多，唔會太肥膩，個汁都唔會油淋淋。大呷小籠包（4粒）小籠包下午茶時段特價$18有4隻超抵！小籠包即叫即蒸，熱辣辣上檯。小籠包超多汁，一啖咬落去爆哂啲汁，超正！