t.w.i.g. (Closed)

T.w.i.g Cafe 嘅環境舒適得嚟，啲食物同埋飲品都好有心思。我試咗佢哋嘅🧇牛油果煙三文魚窩夫（$148）窩夫外脆內軟，冇諗過個牛油果醬喺佢地自己調，大多數cafe 都只係放牛油果喺面。而且仲有配菜可以揀，我揀咗沙律，雖然自己本身好鍾意薯條，但喺要留肚俾甜品。個份量好足夠，食完其實有啲飽😂我加咗件🍰士多啤梨忌廉海棉蛋糕（$68）。嗰蛋糕好鬆軟，中間啲忌廉都有士多啤梨喺裏面，食落都幾清新。唔錯！我仲有點咗杯🍎🍑🫖蘋果桃烏龍氣泡茶（$58）去解一解膩，佢都幾清甜。味道突出得嚟又唔會太濃。呢杯飲品原來都幾適合打咭。整個感覺幾好，下次會再嚟試其他野。