中華滙館 (Closed)

今晚同外國返黎既朋友食飯，我帶左佢黎高級中菜食=]一黎先叫壺菊花茶，清新好飲，侍應會KEEP 住幫我地加茶～之後就叫左２個小菜～花雕醉乳鴿，醉乳鴿皮層潤澤，肉質軟嫩，花雕酒味醇香。話梅南瓜，南瓜口感好好，食落味道偏酸，不過係好清新，愈食化開胃！清炒河蝦仁，比較清淡健康既菜式，蝦仁配松子，配埋浙醋，原汁原味，可以突出蝦仁既鮮美！燒鵝例牌，肉味香濃，皮脆肉嫩，配點酸梅汁更正，食落啖啖肉。鴨汁鱆魚飯d 鴨汁係用燒鴨既汁去炒既飯，飯粒分明，食落鮮甜！甜品方面—金沙奶黃馬拉糕，蛋味很濃郁，入口鬆軟綿密，奶黃味又唔會太甜，nice。overall 服務好, 食物品質高, 下次可以再食其他菜式!